Milliy maktablarda rus tilini o'qitishning yangi texnologiyalari toshpulotov G'ofurjon G'ulomovich filologiya fanlari nomzodi Namangan shahar 41-umumiy o'rta ta'lim maktabi o'qituvchisi Annotatsiya

MILLIY MAKTABLARDA RUS TILINI O'QITISHNING YANGI TEXNOLOGIYALARI
Toshpulotov G'ofurjon G'ulomovich filologiya fanlari nomzodi Namangan shahar 41-umumiy o'rta ta'lim maktabi o'qituvchisi

Annotatsiya: Ushbu maqolada mualliflar ta’lim rus tilida olib boriladigan
maktablarda o‘quvchilarning nutqiy kompetensiyasini rivojlantirishning yangicha
usullari haqida salmoqli fikrlarini berib o‘tganlar.
Kalit so’zlar: Rus tili, maktab, o’qutuvchi, o’quvchi, nutq, yangi texnologiya, zamonaviy vositalar.
Kirish
Ta’lim sohasidagi barcha islohatlarning asosiy maqsadi ma’naviy jihatdan
mukammal rivojlangan insonlarni tarbiyalash, ta’lim tizimini takomillashtirish, dars
jarayonlarini yangi pedagogik va axborot texnologiyalari asosida har tomonlama zamon talabiga mos ravishda amalga oshirishdan iboratdir. Shuning uchun ham bugungi kunda ta’lim - tarbiya tizimida kompyuter va axborot texnologiyalarining zamonoviy texnologiyalaridan samarali foydalanishga alohida e’tibor berilmoqda. Bu esa ta’lim jarayonida o’quvchilarga turli fanlardan bilim beruvchi pedagog kadrlarni axborot texnologiyalarining zamonaviy vositalalaridan foydalanishlari uchun, eng avvalo bu sohadagi bilim va malaka darajalarini oshirish, ta’lim tizimini texnik jihatdan ta’minlash, internetdan foydalanish imkoniyatlarini to’la yaratib berish orqaligina samarali natijaga erishish mumkin.
Mavzuning dolzarbligi:
Hozirgi paytda ta'lim samaradorligini oshirishdagi muhim omillardan biri texnik vositalardan foydalanishdir. Bu esa oʻz navbatida, til oʻrganishga nisbatan qiziqishni va oʻtilayotgan darslarning sifatini oshiradi, oʻquvchilarning dars jarayonidagi faolligini ta'minlaydi. Ta'lim jarayonida usullar toʻgʻri tanlansa, koʻzlangan natijaga qisqa yoʻl bilan erishish mumkin. Ta'lim-tarbiya soxasining toʻxtovsiz takomillashib borishi,oʻquv darslarini pedagogik inovatsiyalar asosida tashkil etish, oliy ta'lim muassasalari oldida turgan dolzarb vazifalardan boʻlib uni muvaffaqiyatli amalga oshirish oliy ta'lim professor-oʻqituvchilari oldida turgan muhim vazifalardan hisoblanadi.
Respublikamizda rus tilining o’qitilishi, rus tili o’qituvchilarining bilim va ko’nikmalarini baholashning umumevropa ramkalari tavsiyanomalariga mos
ravishda yangi usul va talablari ishlab chiqildi. Unga ko’ra umumta’lim maktablari va kasb-hunar kollejlari o’quvchilari uchun darsliklar yaratildi. Ushbu talablarga mos ravishda o’quv xonalari stendlar va yangi axborot kommunikativ texnikalar
bilan jihozlandi. Rus tili o’rganishga bo’lgan talab ham kundan kunga oshib bormoqda. Rus tili fani to’rt aspectga (o’qish,yozish, tinglab tushunish va gapirish) bo’linib, ularning har biri bo’yicha alohida tushuncha va ko’nikmalar berilmoqda.