“Milliy istiqlol g‘oyasi: asosiy tushuncha va tamoyillar” turkumiga kiruvchi “Odobnoma”, “Vatan tuyg‘usi”, “Milliy istiqlol g‘oyasi va ma’naviyat asoslari” fanlaridan

Bu fanni o‘qitishda quyidagi tamoyillarni inobatga olish zarur:

• 
  milliy istiqlol g‘oyasi asosidagi yangicha dunyoqarashni shakllantirish ta’lim tizimidagi izchil va uzluksiz jarayon ekani;
  
• 
  milliy va umumbashariy qadriyatlar uyg‘unligi;
  
• 
  Vatan haqidagi bilim va tushunchalar fuqarolik haqidagi tasavvurlarni, vatanparvarlik, yurtga sadoqat, xalqparvarlik kabi fazilatlarni shakllantirishga xizmat qilishi;
  
• 
  adabiyot, tarix, geografiya kabi fanlardagi bilim va tushunchalardan keng foydalanishi;
  
• 
  o‘quvchilarning erkin va hayotiy fikrlashga asoslanishi;
  
• 
  nazariy g‘oyalarning hayotiy misollar asosida ochib berilishiga erishish;
  
• 
  ta’lim jarayonini texnologik va ijodiy yondoshuv asosida tashkil etilishi va hokazolar.
  
• 
  Fan o‘quv materiallarini texnologik va ijodiy yondoshuv asosida tashkil etiluvchi mashg‘ulotlar jarayonida o‘rganilishini nazarda tutadi. Ta’lim jarayonida suhbat, bahs-munozara, uchrashuv, ekskursiya hamda amaliy mashg‘ulotlar (ijodiy insholar yozish, referat tayyorlash, test nazoratini tashkil etish, badiiy chiqishlarni tashkil etish va boshqalar) kabi shakl va metodlar, shuningdek shaxsiy namuna ko‘rsatish, milliy madaniy meros namunalari, allomalarning portretlari, vatanparvarlik g‘oyalarini targ‘ib etuvchi badiiy asarlar, kinofilg‘m va teatr tomoshalari kabi vositalardan foydalanish maqsadga muvofiqdir.
  

O‘quvchilar egallashlari zarur bo‘lgan zarururiy bilim, ko‘nikma va malakalar
5-sinf
Bilim:

• 
  Vatan tushunchasini bilish;
  
• 
  vatanparvarlar jasorati va ular haqidagi tushunchalarga ega bo‘lish;
  
• 
  o‘zi tug‘ilib o‘sgan shahar yoki qishlog‘i haqidagi ma’lumotlarni bilish;
  
• 
  hukumatimizning yoshlar ta’lim-tarbiyasiga qaratilgan e’tibori haqidagi ma’lumotlarga bo‘lish;
  
• 
  “Avesto” - xalqimiz tafakkurining mumtoz namunasi ekanligini bilish;
  
• 
  Musatqillik so‘znining ma’no-mazmunini bilish;
  
• 
  O‘zbekiston dunyodagi eng qadimiy va betakror o‘lkalardan biri ekanligini bilish;
  
• 
  Davlatimiz ramzlari – bayroq, gerb, madhiya, O‘zbekiston xalqlarining shon-sharafi, g‘ururi, tarixiy xotirasi va intilishlarini o‘zida mujassamlashtirishini bilish.