«Миллий истиқлол ғояси» фанини ўқитишнинг таълимий ва тарбиявий аҳамияти

10 - §. «Миллий ғоя ва мафкуранинг фалсафий,
тарихий манбалари» мавзусини ўтиш методикаси.
Дарснинг мақсади: халқимизнинг мозий синовларидан ўтиб келаётган бой маданий ва маънавй мероси, ота-боболаримизнинг мустақиллик йшлида кўрсатган жасорати, аждодларимизнинг фалсафий тафаккур тарзи, амалий фаолияти, бунёдкорлик ишлари, жаҳон халқлари урф-одатлари, қадриятлари, ҳозирши замондаги фалсафий қараш ва таълимотларини тушунтиришдан иборат.
Дарснинг тарбиявий мақсади: дарс жараёнида талабалар тарбиясига комплекс ёндашиб, машғулот давомида бериладиган жавоблар асосида тарбиявий муаммоларни ҳамкорликда ечиш ва бартараф этишга эришишдан иборат.
Синф тахтасига шу сўзлар осилади.
«Бугун бизнинг олдимизда шундай тарихий имконият пайдо бўлибдики, - деб ёзади Ислом Каримов, - биз босиб ўтган йўлимизни танқидий баҳолаб, миллий давлатчилизимиз негизларини аниқлаб, буюк маданиятимиз томирларига, қадимий меросимиз илдизларига қайтиб, ўтмишимиздаги бой анъаналарни янги жамият қуришига тадбиқ этмоғимиз керак ».


И.А.Каримов

1. 
   Ташкилий дақиқа
   
2. 
   Гуруҳда ишлаш
   
3. 
   Баҳс-мунозара
   

Дарс тури: амалий.
Дарс жиҳози: Мавзуга доир китоблар, савол-карточкалар, кадоскоп.
Восита: тарқатма материаллар, матнлар.
Дарс усули: Тайёр ёзма материаллар ва чизмалар асосида.
Назорат: Оғзаки назорат савол-жавоблар, кузатиш, ўз-ўзини назорат қилиш.
Дастури: Муаммоли таълим элементини ўз ичига олган ноанъанавий дарс.
Дарс методи: баҳс-мунозара.
Дарс ноанъанавий: «Ақлий ҳужум» билан бошланади.
Изоҳ: чунки ўқувчиларда етарли билим ва кўникмалар мавжуд. Ўқитувчи буни «Ақлий ҳужум» орқали тасдиқлайди ва шундан сўнг синфни гуруҳларга бўлиб, уларга вазифаларни бажаришга рухсат беради.
- «Ақлий ҳужум». Доскага бош плакат илинади. Ўқитувчи савол билан мурожаат қилади.
- Миллий истиқлол ғоясининг фалсафий-тарихий илдизларига нималар киради.
Ўқувчилар жавоб бера бошлайди, ўқитувчи эса бош плакатга маркерлар билан жавобларни ёзади.
Халқ оғзаки ижоди (достонлар, эртаклар, мақоллар, ривоятлар).