Mikrobiologiyada laboratoriya mashg’ulotlari

Sut  kislotali  bijg'ish  -  sut  tarkibidagi  qandni  (laktozani) 
bakteriyalar  yordamida  bijg'itib  sut  kislota  hosil  qilish.  Bu 
bakteriyalarga  Streptococcus  lactis,  Lactobasillus  sp.  va  boshqalar 
kiradi. 
Taksonomiya - organizmlar klassifikasiyasi va sistematikasining 
nazariyasi. 
Termostat  -  issiqlik  bir  xil  holatda  ushlab  turiladigan  uskuna. 
Mikrobiologiya  amaliyotida  mikroorganizm  kulturalarini  o'stirishda 
optimal sharoit yaratish uchun foydalaniladi. 
Termofill mikroorganizmlar - yuqori haroratlardagi sharoitlarda 
rivojlanadigan  mikroorganizmlar.  Bu  tabiatdagi  issiq  buloqlar,  nam 
somon,  go'ng,  tuproqning  ustki  qatlamlarida  yashaydi.  Termofillar  4 
guruhga bo'linadi. Termotolerant turlari 10-60ºS gacha rivojlanib ular 
uchun  optimal  harorat  35-40ºS  fakultativ  turlari  20ºS  da  ham  yashay 
oladi, optimal harorat 50-65ºS, obligat termofillar 70ºS da rivojlanadi 
va  40ºS  dan  past  haroratda  yashay  olmaydi,  ekstremal  termofillar 
uchun  80-105ºS  optimal  harorat  bo'lib,  60ºS  dan  past  haroratda 
rivojlana olmaydi. 90ºS dan ortiq haroratdagi qaynoq buloqlarda ham 
qayd etilgan. 
Tindalizasiya - qatorasiga 3 kun, kuniga bir marta 30 daqiqadan 
Kox  apparatida  70-100ºS  haroratda  qizdirish.  Tindalizasiyada  sporali 
mikroorganizmlar  ham  qirilib  ketadi.  Tindalizasiya  ingliz  fizigi 
J.Tindal tomonidan yaratilgan.