Mikrobiologiya va immunologiya

Meningokokklar. 
 
Meningokokkning  (Neisseria  meningitidis)  sof  kulturasini  A.Vekselbaum 
1887 yili  meningit bilan og‘rigan bemorning orqa miya suyuqligidan ajratib olgan 
va uni atroflicha tekshirgan. 
 
Morfologiyasi.  Meningokokklar  loviya  shaklida  bo‘lib,  juft-juft  joylashadi, 
diametri  0,6-1,0  mkm.  botiq  tomoni  bir-biriga  qaragan,  tashqi  tomoni  esa  qavariq 
(do‘ng)  bo‘ladi.  Bu  mikrob  ba’zan  tetrakokklarga  o‘xshab  to‘rttadan  ham 
joylashadi, spora hosil qilmaydi. Xivchinlari yo‘q. Ammo ularda fimbriyalar (pili) 
yoki  tukchalar  borligi  aniqlangan,  bular  yordamida  ular  epiteliy  xujayralarining 
shilliq  qobig‘iga  yopishadi.  Gram  bilan  qizil  rangga  (grammanfiy)  bo‘yaladi. 
Yiringdan  olingan  materialda  ko‘pincha  meningokokklar  leykotsitlarning  ichida, 
ba’zan juda oz miqdorda uning tashqarisida joylashadi.