Mikrobiologiya va immunologiya

Laboratoriya  tashhisi.  Bu  kasallikning  tashhisini  aniqlashda,  asosan, 
bakteriologik va serologik usullardan foydalaniladi. Bakteriologik tekshirish uchun 
bemor  najasini  mumkin  qadar  tezroq  Ploskirev,  Endo  muhitlariga  ekiladi,  chunki 
dizenteriya  bakteriyasi  najasda  2  soat  yashaydi.  Najas  Endo  muhitiga  ekilganda 
shigellalar rangsiz, yumaloq, o‘rtacha kattalikda, chetlari tekis, xiriroq S-shakldagi 
koloniyalarni hosil qilib o‘sadi. Bu koloniyalardan sof kultura ajratib olinadi va uni 
har xil xususiyatlariga ko‘ra identifikatsiya qilinadi.  
Serologik  usul,  dizenteriya  bakteriyasiga  qarshi  antitelolarni  bemor  qoni 
zardobidan  agglyutinatsiya  reaksiyasi  yordamida  topishga  asoslangan.  Ular 
kasallikning 2-3 haftalarida eng yuqori miqdorga chiqadi. 
Immunoflyuoressent  usul  yordamida  bemor  zardobi,  najasi  yoki 
koloniyasidan  tayyorlangan  surtmalarda  shigella  antigenlarini  flyuoroxrom  bilan 
nishonlangan  maxsus  zardoblar  orqali  aniqlash  mumkin.  Hozir  tez  tashhis 
qo‘yishda PZR usulidan foydalanilmoqda.