Mikrobiologiya va immunologiya

Laboratoriya tashhisi. Epidemik serebrospinal meningitning mikrobiologik 
tashhisida,  asosan  orqa  miya  suyuqligi  tekshiriladi.  Bundan  tashqari  burun-
xalqumdan  olingan  shilliq  modda  va  qon  ham  tekshirilishi  kerak.  Bu  usul 
rekonvalessent  yoki  sog‘lom  meningokokk  tashib  yuruvchilarni  aniqlashda  juda 

---

38 
 
ahamiyatli. Birinchi  tekshirish  usuli bakterioskopiya bo‘lib, surtmada  grammanfiy 
diplokokklar  aniqlanadi.  Ammo  shuni  yodda  tutish  kerakki,  orqa  miya 
suyuqligidan 
tayyorlangan 
surtmalarda 
meningokokklarni 
topish 
qiyin. 
Kasalxonalarda  OMSning  rangi,  tarkibi  (leykotsitoz,  oqsil,  shilliq  va  boshqalar) 
o‘zgarganligi  aniqlanadi.  Kultural  tashhisida  OMS,  bemor  qoni,  burun  va 
halqumdan  olingan  shilliq  modda,  zardob  va  qonli  yoki  ristomitsi,  assit  suyuqligi 
qo‘shilgan  agarli  Petri  kosachasiga  ekiladi.  Ajratib  olingan  kulturalarni  sitoxrom-
oksidaza  usuli  yordamida  tekshiriladi.  Shu  bilan  birga  ularning  fermentativ, 
serologik  xususiyatlari  ham  aniqlanadi.  Burun-halqumdagi  shilliq  modda 
tekshirilganda ayrim hollarda saprofit mikrokokklarni va boshqalar shakli jihatidan 
meningokokklarga  o‘xshasada,  ammo  meningokokklarni  agglyutinatsiya  qiluvchi 
maxsus  zardoblar 
bilan    agglyutinatsiya  bermaydi,  shu 
maqsadlarda 
agglyutinatsiya reaksiyasi va immunoflyuoressent usullaridan foydalaniladi. 
 
Davolash. Epidemik serebrospital meningitni davolash uchun hozirgi vaqtda 
antibiotiklar,  jumladan  penitsillin  va  levomitsitin  ishlatiladi,  chunki  penitsillin 
gematoensefalitik  to‘siqdan  o‘ta  oladi.  Bulardan  tashqari,  odam  qonidan 
tayyorlangan  normal  gammaglobulin,  yangi  dorilardan  rifampitsin  ishlatiladi. 
Zaharlanishni  kamaytirish  maqsadida  unga  turli  tuz  eritmalari:  glyukoza,  qon 
plazmasi va boshqalar yuboriladi.