Microsoft Word yonilgi mahsulot zapasorg doc

3.1. Dizel  yonilg‘ilariga  qo‘yiladigan  
ekspluatatsion talablar 
 
Belgilangan  quvvat  va  tejamkorlik  ko‘rsatkichlarida  hamda 
ishlatilgan  gazlarni  tutun  kam  chiqarib  dvigatelning  ishonchli  va 
uzoq muddat ishlashini ta’minlash uchun dizel yonilg‘isining sifati 
davlat standartlari talablariga javob berishi lozim. 
Dizel dvigatellarida yonilg‘i to‘la va sifatli yonishi uchun ular 
quyidagi ekspluatatsion talablariga javob berishi kerak: 
1.  Yuqori  bosim  nasosi  uzluksiz  va  puxta  ishlashi  uchun  yo-
nilg‘i  yaxshi  so‘rilishi  va  haydalishi  (buning  uchun  yonilg‘i 
optimal  qovushqoqlikka,  zarur  past  harorat  xossalariga  ega 
bo‘lishi) lozim. 
2.  Mayin  to‘ziydigan  va  yaxshi    aralashma  hosil  qiladigan 
bo‘lishi  uchun fraksion tarkibi va qovushqoqligi optimal darajada 
bo‘lishi zarur. 
3.  Dvigatelning    oson    yurg‘izib    yuborishlishi    va    «yum-
shoq»    ishlashi    uchun    tutun    hosil  qilmasdan  batamom  yonishi 
kerak  (bu  yonilg‘ining  setan  soni,  qovushqoqligi  va  fraksion 
tarkibiga  bog‘liq),  barqaror  yonishi  hamda  yonganda  mumkin 
qadar ko‘p issiqlik chiqarishi zarur. 
4.  Klapanlarda,  porshenlarda  va  porshen  halqalarida  ko‘p 
qurum  hosil  bo‘lmasligi,  ninalar  osilib  qolmasligi  hamda 
forsunkalarning  to‘zitkichlari  kokslanmasligi  lozim  (bular  esa 
yonilg‘ining kimyoviy hamda fraksion tarkibiga bog‘liq). 

---

 
82 
5. Rezervuarlarni,  yonilg‘i  berish  tizimi  va  dvigatel  detal-
larining korroziyalamasligi kerak (bu  yonilg‘i tarkibidagi oltingu-
gurtli  birikmalar,  organik    va  mineral  kislotalar  hamda  suvning  
miqdoriga bog‘liq). 
6.  Uzoq  muddat  saqlanganda  xossalarini  o‘zgartirmasligi 
zarur.