Microsoft Word Tursunboyev S. O'zbek teatri tarixi. Majmua

MANNON UYG’UR HAQIDA XOTIRALAR 
MANNON UYG’UR YOQQAN CHIROQ... 
Tarixning guvohlik berishicha, teatr san’ati buyuk iste’dodlar, buyuk shaxslar ijodi va 
izlanishlariga  bog’liq  holda  shakllanadi,  taraqqiyot  yo’llari  belgilanadi.  Shu  ma’noda 
Hamza  nomidagi  teatrning  maydonga  kelishi  va  tez  sur’atlar  bilan  rivojlanishi  Mannon 
Uyg’urning  tinib-tinchimas  faoliyati,  badiiy-estetik  qarashlari  va  ijodiy  izlanishlari  bilan 
aloqadordir. Uning badiiy rahbarligida sayqal topgan bu san’at koshonasi xalqimiz madaniy 
va ma’naviy boyligining noyob xazinasiga aylangan. 
Uyg’ur  teatrining  shuhrati  faqat  o’zbek  aktyorlik  va  rejissorlik  san’atining 
barkamolligi, 
o’zbek 
dramaturgiyasining 
nodir 
asarlarini 
yuksak 
saviyada 
sahnalashtirishdagina emas, dunyo klassiklari — Shekspir, Molyer, Shiller, Goldoni, Gogol 
asarlarini  sahnalashtirishdagi  katta  yutuqlarida  ham  yaqqol  namoyon  bo’lgan.  Bu  o’zbek 
teatrini  XX  asrning  birinchi  yarmidayoq  jahonning  eng  ilg’or  teatrlari  qatoriga  qo’shgan 
edi. 
Mamajon Rahmonov.
 «Teatr» jurnali, 
1999-y. 1-2-sonlar.