Microsoft Word Tursunboyev S. O'zbek teatri tarixi. Majmua

ERKIN XUSHVAQTOV 
(1959)
 
 
Erkin  Xushvaqtov  Shahrisabzning  Chambil  qishlog’ida  shofyor  oilasida  tug’ilgan. 
O’rta  maktabni  tugatgach,  bir  muddat  o’z  qishlog’ida  ishlab,  so’ng  1978-yili  M. Uyg’ur 
nomidagi san’at instituti aktyorlik san’ati bo’yicha tayyorlov bo’limida tahsil olgan. 
E. Xushvaqtov  A. Hidoyatov  nomidagi teatrga chiroq  yorituvchi sifatida  ishga kiradi, 
1987-yildan  hozirgacha  «Milliy»  akademik  drama  teatrida  shu  vazifada  ishlab  keladi. 
Uning dramaturgiya sohasidagi ilk qadami A. Qodiriyning «Mehrobdan chayon» romanini 
inssenirovka  qilishdan  boshlandi.  Ushbu  asar  1994-yili  akademik  teatrda  T.  Azizov 
tomonidan sahnaga qo’yildi. 1995-yili «Chimildiq» asarining ilk nusxasi M. Uyg’ur nomi-
dagi san’at  institutida diplom spektakli (rejissor  Sh. Hamidova) tarzida  yaratildi. 1996-yili 
esa uning qayta  ishlangan  nusxasi  T. Azizov, M. Abdullayeva  tomonidan  «Milliy»  teatrda 
sahnaga  qo’yiladi.  1997-yili  akademik  teatr  repertuarida  «Mashrab»  asari  (rejissor  T. 
Azizov) paydo bo’ladi. 
E.  Xushvaqtov  1998—2000-yillari  M. Uyg’ur  nomidagi  san’at  instituti  oliy 
dramaturglik kursida tahsil ko’radi va «Qirmizi olma» pyesasi (M. Abdullayeva tomonidan 
o’sha  yili  diplom  spektakli  tarzida  yaratilgan)  bilan  ta’lim  jarayonini  yakunlaydi.  2002-
yilning  16-fevralida  akademik  drama  teatrida  uning  «Qalliq  o’yin»  (rejissor  T.  Azizov) 
asari premyerasi o’tkazildi. 
Erkin  Xushvaqtov  2002-yili  Prezidentimizning  Farmoni  bilan  «Mehnat  shuhrati» 
ordeni bilan taqdirlangan.