Microsoft Word Tursunboyev S. O'zbek teatri tarixi. Majmua

 
Zamira Egamberdiyeva
 «Yosh leninchi» gazetasi, 
1990-yil, 12-dekabr, 237-son. 
 
TO’MARIS GUNOHKOR EMAS... 
 
Yaqinda  shonli  teatrimizda  iste’dodli  yosh  dramaturg  Salohiddin  Sirojiddin  qalamiga 
mansub «To’maris» spektakli qo’yilayotganligini eshitib qoldim-u tushishga ahd qildim. 
To’maris  —  xalqimiz  tarixidagi  buyuk  siymolardan  biri.  U  —  vatan  taqdiri  uchun 
kurashuvchilar  safidagi  tengi  yo’q  Ayol!  Bizning  jamiyatimizda  Ayol,  ayniqsa, 
qishloqlarimizdagi  «emin-erkin»  Ayol  xor-zorlikka  yuz  tutdi,  paxta  maydonlarida  og’ir 
mehnatga  duchor  etildi,  shamshod  qaddi  bukildi,  «suv  ichsa  tomog’idan  ko’rinadigan» 
latofati  toptaldi.  Uning  o’ylari,  intilishlari  vatan,  millat,  xalq  haqida  emas,  qora  qozonini 
amallab  qaynatish,  bir  etak  bolasini  ertaga  oyoqqa  turg’azish  haqida!  Shunday  muhitda 
To’marisdek  qahramon  Onamiz  obrazining  sahnamizda  paydo  bo’lishini  juda  katta  voqea 
deb  hisoblayman.  Uni  hamma-hamma  ko’rishini,  ibrat  olishini,  bilmaganlar  bilib 
qo’yishlarini istayman. 
Men  hozir  spektaklning  to’la  tahliliga  kirishib  o’tirmayman.  Ammo  «To’maris» 
so’nggi  yillarda  yaratilgan  (rejissor  Rustam  Hamidov)  asarlar  orasida  alohida  ahamiyatga 
ega  ekanligini  ta’kidlayman,  xolos.  To’laqonli  To’maris  obrazini  kuyib-yonib  yaratgan 
iste’dodli  Malika  Ibrohimovani,  Kayxisravni  maromiga  yetkazib  o’ynagan  do’stim  Tesha 
Mo’minov  va  boshqa  bir  qancha  rollarni  suyib  ijro  etgan  yosh  san’atkorlarimizni 
olqishlamasdan ilojim yo’q. 
 
Azim Suyun.
 «Xalq so’zi» gazetasi, 
1991-yil, 14-mart, 52-son.