Microsoft Word Tursunboyev S. O'zbek teatri tarixi. Majmua

O’LMAS UMARBEKOV ASARLARI HAQIDA 
MATBUOT SHARHLARI. 
«KOMISSIYA» 
Pyesa  va  spektaklni  diqqat  bilan  kuzatar  ekansiz,  rasmiy  to’g’rilik  va  vijdon  pokligi, 
har  ikkisi  ikki  xil  olam  ekani  fikrni  chulg’aydi.  Masalaning  shunday  qo’yilishi  va  idrok 
etilishining  o’zi  e’tiborga  loyiq  emasmi?  Endi  uning  ifoda  usuliga  kelganimizda,  avtor 
insonning  so’zlab  bo’lmaydigan  muhokamasini,  yashashdan  maqsadining  sharti  bo’lgan 
sifatlarini  o’z  ko’rinishida  bayon  etishga  qaror  qiladi.  Vijdon  bulg’anch  bo’lib  umr 
ko’rishdan kattaroq fojia yo’q. Uni hech qanday mehnat, fidoyilik ham yuvolmaydi. Lekin 
buni hamma ham his etishni istaydimi? Ana shunday vijdon bulg’anchligi Said Karimovni 
bir  umr  qiynaydi...  Teatr  pyesani  odamiylik  va  baxt  haqida  bahs,  uning  mashaqqatlari 
haqidagi  mulohazadek  talqin  etadi.  Bu  bahs  insonlarning  taqdirida,  tanho  muhokamasida, 
boshqalar bilan muloqotida o’rtaga qo’yiladi... 
 
Toshpo’lat Tursunov
, san’atshunoslik doktori, professor. 
«O’zbekiston madaniyati» gazetasi, 
1974-yil, 30-aprel. 
 

---