Microsoft Word Tursunboyev S. O'zbek teatri tarixi. Majmua

 
 
«HAM QUVONDIM, HAM TASHVISHLANDIM» 
Menga  Qori  roli  topshirilar  ekan,  ham  quvondim,  ham  biroz  tashvishlandim. 
Quvonchim  shundan  iborat  ediki,  sevimli  dramaturg  Abdulla  Qahhor  asarida  birinchi 
o’ynashim  edi.  «Tobutdan  tovush»  spektaklidan  oldin  qo’yilgan  «Shohi  so’zana»  bilan 
«Og’riq tishlar»da menga rol tegmadi. Mazkur komediyalardagi boy hayotiy kuzatuvlar va 
faktlar,  zargarona  ishlangan,  jonli  va  obrazli  til,  bir-biridan  o’tkir,  pishiq  xarakterlarga 
mahliyo bo’lib, ijrochilarga havas va rashk bilan boqqan edim. Shunday bo’lgach, Qori roli 
tekkach, albatta quvonaman-da! Tashvishga bois esa shu ediki, bu rol Nabi Rahimovga ham 
berilgan  bo’lib,  istay-istamay  u  bilan  ijodiy  musobaqa  qilishim,  tortishib  ko’rishim  zarur 
edi.  Aktyorlar  orasida  menga  qo’shilib  tashvishlanayotganlar  ham,  qani  nima  karomat 
ko’rsatarkin,  deydigan  hangama  talablar  ham  yo’q  emas  edi.  Xullas,  men  o’zimni 
imtihonga tayyorlanayotgan talabaday his qilardim... 
Premyeradan bag’oyat xursand bo’lgan  Abdulla Qahhor o’z chorbog’ida ziyofat qilib 
berdi. O’shanda dramaturg teatr sha’niga, aktyorlar sha’niga juda ko’p iliq so’zlar aytgandi. 
«Men  sizlar  tufayli  dramaturg  bo’ldim,  sahnada  yurishni  o’rgatdingiz.  Hammangiz 
ustozimsiz. Shuning  uchun  Hamza teatri ostonasini o’pishga tayyorman» degani  yodimda. 
Gap orasida mening yelkamga qoqib shunday degan edi: «Qori obrazini bunchalik mahorat 
bilan  ijro  etarsiz,  deb  sira  xayolimga  keltirmagan  edim.  Salomat  bo’ling,  Qudratjon 
bopladingiz». 
 
Qudrat Xo
’
jayev
,
 
«Go’zallik shaydosiman», 
1976-yil. 115—118-betlar.