Microsoft Word Tursunboyev S. O'zbek teatri tarixi. Majmua

 
R.HAMROYEV MUQIMIY ROLI HAQIDA M.ISROILOV SHARXI 
 
  Razzoq  Hamroyev  monolog,  g’azal  o’qishning  ustasi  bo’lgan.  U  kishining  talaffuzi 
toza  bo’lib,  so’zlarni  aniq,  ravon,  jarangli  ovoz  bilan  aytganlar.  Muqimiyning  sevgilisi 
Obidaxon  obrazi  esa  O’zbekiston  xalq  artisti  E`tibor  Jalilovaning  extirosli  ijrosi  tufayli 
o’ziga xos joziba kasb etgandi. 
  Muqimiy – R. Hamroyev ichki monologni o’qishdan oldin qattiq iztirobli sahnalarni 
boshidan  kechiradi.  U  aslzoda  shoir  xoji  Muxsinning  shum  niyatini  tushinib  yetadi. 
Muxsinning  maqsadi  –  dodhoga  laganbardorlik  qilib,  uni  Obidaxonga  uylantirish  va  shu 
yo’l bilan Muqimiydan o’ch olish. 
  Obidaxon faryodi Hamroyev – Muqimiyning ko’nglini vayron etib yuboradi. U qattiq 
iztirobda Obidaxonga yaqinlashadi, uni yupatmoqchi bo’ladi.  
   
 
Azizim, yig’lamang, to men hayotmen, 
   
 
Judo qilmoqchi bo’lganlarga yotmen. 
  Muqimiy  –  Hamroyev  Obidaxon  –  Jalilovaning  ko’zlariga  tikiladi,  uning  qalbida 
kechayotgan og’ir dramani chuqur idrok etadi, uni qiynoq o’tiga solgan Muxsinga, dodhoga 
bo’lgan  nafrati  yanada  alanga  oladi.  Muqimiyning  qarori  qat`iy  –  “to  tirik  ekanmen  meni 
sizdan  hech  kim  judo  qilmaydi”  deydi.  Psixologik  jimlik  jarayonida–  Muqimiy  kulis 
tomonga  ikki-uch  qadam  tashlaydi.  Ko’z  oldida  Muxsin,  dodho  paydo  bo’ladi,  ularga 
nisbatan g’azabnok ko’zlaridan o’t chaqnaydi, shundan keyin “judo qilmoqchi bo’lganlarga 
yotmen”  so’zini  ikkala  qo’lini  musht  qilib  g’azab  bilan  aytadi.  Muqimiyning  ushbu 
so’zlaridan  Obidaxon  –  E.  Jalilova  qattiq  hayajonga  tushadi.  Muqimiydek  himoyachisi 
borligi uning qalbini to’lqinlantiradi. 
  Muqimiy  –  Hamroyev  Obidaxonga  kelajakda  g’amlari  unut  bo’lib,  orzulari 
ushalishiga umid bog’laydi. Obidaxon Muqimiyning ushbu niyatlari amalga oshishini chin 
ko’ngildan  istaydi.  Obidaxon  –  E.  Jalilova  ko’zlari  jiqqa  yoshga  to’ladi.  Obidaxonning 
ichki tug’yoni, dard-alami, ko’z yoshlari Hamroyev – Muqimiyni qiynoq o’tiga tashlaydi. 
  Men R. Hamroyev bilan uzoq yillar davomida birga ijod qildim “Muqimiy” musiqali 
dramasida shoir  Zavqiy obrazini  yaratdim, shuning  uchun  ham  ulug’ aktyorning Muqimiy 
obrazi  ustida  astoydil  qunt  bilan  mehnat  qilganligining,  ijodiy  izlanishlarining  guvohi 
bo’lganman.  
 
Mahkam Isroilov, professor. Razzoq Hamroyev Muqimiy  
siymosida “Teatr” jurnali 2003 y. 6-son.