Microsoft Word Tursunboyev S. O'zbek teatri tarixi. Majmua

 
 
 
 
HAYITMAT RASUL 
(1939)
 
 
Hayitmat  Rasul  1939-yilning  23-martida  Xorazm  viloyat  Gurlan  tuman,  Bog’olon 
qishlog’ida  cho’pon  oilasida  tug’ilgan.  O’rta  maktab  ta’limini  olgach,  hozirgi  M. Uyg’ur 
nomidagi  san’at  institutining  musiqali  drama  bo’limida  o’qigan.  Mehnat  faoliyatini 
«Milliy»  akademik  teatrda  aktyorlikdan  (1966—1970)  boshlab,  so’ng  Respublika 
televideniyesida  dramaturgiya  bo’yicha  bosh  muharrir  (1970—1989),  1989-yildan  buyon 
hozirga  qadar  «O’zbekteatr»  ijodiy  ishlab  chiqarish  birlashmasi  repertuar  bo’limida  bosh 
muharrir vazifasida ishlab keladi. 
Hayitmat Rasul 1968-yildan dramaturgiya sohasida qalam tebratib keladi. Unda badiiy 
ijodga  qiziqish  bobosi  —  taniqli  baxshi  shoir  Mulla  Matchon  Mahammadrasul  ta’sirida 
shakllangan. Hayitmat Rasul o’ttizga yaqin pyesa yozgan. Ularning bir qismi drama, yana 
bir qismi musiqali drama janriga oid. 
O’zbek Davlat akademik teatri repertuaridan uning «Muhabbat sultoni» (1994, rejissor 
M. Azimov),  «Piri  koinot»  (1997,  rejissor  V. Umarov),  «Boshi  qotgan  oshiqlar»  (1998, 
rejissor  M.  Xachaturov)  dramalari  o’rin  olgan  bo’lsa,  Muqimiy  nomli  musiqali  teatrdan 
«Muqaddas diyor» (1975, rejissor R. Hamroyev), «Xo’jayin» (1978, rejissor N. Saidxonov) 
A. Hidoyatov  nomli  drama  teatridan  «Uzoq  qishloq»  (1988,  rejissor  B. Yo’ldoshev), 
Ogahiy  nomidagi  Xorazm  teatridan  «Nilufar»  (1988,  rejissor  I. Niyozmatov),  «Temir 
qafas» (1992, rej J. Dushanov), «Orzu» (1993, rejissor J. Dushanov) pyesalari o’rin olgan. 
«Suyunchi  bering,  odamlar»,  «Vahima»,  «Tili  asalim»  kabi  pyesalari  ham  turli  viloyat 
teatrlarida sahna yuzini ko’rgan. 
H. Rasulning M. Muqimov bilan hamkorlikda yaratilgan so’nggi «Muqaddas taxtizar» 
asari 2003-yil Milliy akademik teatrda (rejissor Arsen Ismoilov) sahnaga qo’yildi. 
Hayitmat Rasul 2001-yili «Mehnat shuhrati», ordeni bilan taqdirlangan.