Microsoft Word Tursunboyev S. O'zbek teatri tarixi. Majmua

“BIR KOSHONA SIRLARI” IJROCHILARI HAQIDA T. AZIZOV SHARXI 
 
Asar  meni  o’zining  zamonaviyligi  bilan  maftun  etdi.  Odil  Yoqubov  yetmish  yoshida 
ham insonlarning qalbini yaxshi bilishi meni yana bir marta qoyil qoldirdi. Nazarimda, Odil 
akam  o’zbek  yozuvchilari  orasida  istiqlol  davri  qahramoni  qanday  bo’lishi  kerak  degan 
savolga birinchi bo’lib javob berganlar… 
Sarvarning  xotini  Dilorom  obrazini  O’zbekistonda  xizmat  ko’rsatgan  artist  S. 
Yunusova va S. Rametova ijro etadilar. Sayyora Yunusovaning aktyorlik ampulasiga bu rol 
mutlaqo qarama-qarshi edi. Lekin Sayyora o’ziga xos nozik xarakter topa oldi va ta`sirchan 
obraz yaratdi. Saida Rametova bu rol tashqi qiyofasi va ichki dunyosi bilan ancha yaqin edi. 
Shuning uchun Saidaxon obraz ustida tinmay mehnat qilib kuchli obraz yaratdi.  
Sarvarning onasi Mehriniso obrazini O’zbekiston xalq artistlari Yayraxon Abdullayeva 
va Rixsixon Ibrohimovalar yaratdilar. 
Yayraxon  chuqur  tragizmi  bilan  kishini  maftun  etsa,  Rixsixon  shirinsuhanligi, 
mehribonligi, zahmatkashligi bilan tomoshabinga yoqib qoldi. 
Sarvarning  qo’shnisi  mashhur  jarroh,  qaysar,  to’g’riso’z  tabib  Darveshali  obrazini 
O’zbekiston  xalq  artisti  Erkin  Komilov  mohirona  ijro  etdi.  Murakkab  kuchli  xarakter 
yaratib ko’pchilikni hayratga soldi. 
Ikkinchi  ijrochi  O’zbekistonda  xizmat  ko’rsatgan  artist  Qahramon  Abdurahmonov 
tinimsiz  mehnati,  zamonaviy  fikrlashi  tufayli  o’ziga  tabiatan  yaqin  bo’lmagan  shifokor 
obrazini ancha yaxshi yaratdi.  
 
Turg’un Aziziov. Mening rejissyorlik ishlarim  
2003 yil 99-100 betlar. 
 
 
 
 
 
 

---