Microsoft Word Tursunboyev S. O'zbek teatri tarixi. Majmua

 

---

Manbalar: 
Ramz  Bobojon.
  Tanlanma,  uchinchi  jild.  G’afur  G’ulom  nomidagi  Adabiyot  va 
san’at  nashriyoti  1971-y.  E. Nosirov.  «Ramz  Bobojon».  G’afur  G’ulom  nomidagi 
Adabiyot va San’at nashriyoti, 1974-y. 
 
ODIL YOQUBOV 
(1926)
 
 
Atoqli  yozuvchi  va  dramaturg  Odil  Yoqubov  Qozog’iston  Respublikasi,  Chimkent 
viloyat  Turkiston  tumanining  Qarnoq  qishlog’ida  tavallud  topgan.  O’rta  maktabni 
tugatgach,  armiyada  xizmat  qilib,  1950—1956-yillari  O’rta  Osiyo  Davlat  universitetining 
filologiya  fakultetida  o’qigan.  «Литературная  газета»ning  O’zbekistondagi  maxsus 
muxbiri,  «O’zbekfilm»  kinostudiyasi, G’. G’ulom  nomidagi  Adabiyot  va san’at  nashriyoti 
hamda,  «O’zbekiston  adabiyoti  va  san’ati»  gazetasida  muharrir  va  bosh  muharrir  kabi 
vazifalarda  ishlagan.  1989—1996-yillari  O’zbekiston  Yozuvchilar  uyushmasining  raisi 
lavozimida xizmat qilgan. Unga O’zbekiston xalq yozuvchisi faxriy unvoni va «Do’stlik», 
«El-yurt hurmati» ordenlari berilgan. 
O. Yoqubov  ijodida  dramaturgiya  sezilarli  o’ringa  ega.  U  birinchi  pyesasini  talabalik 
chog’ida  yozgan.  «Chin  muhabbat»  deb  ataluvchi  bu  asar  1955-yili  Hamza  nomidagi 
akademik  drama  teatrida  sahnaga  qo’yiladi.  Shu  asar  tufayli  O. Yoqubov  bilan  atoqli 
rejissor Toshxo’ja Xo’jayev va otaxon teatr jamoasi orasida samarali hamkorlik boshlanadi. 
Uning  «Aytsam  tilim,  aytmasam  dilim»  (1957,  rejissor  T.  Xo’jayev),  «Yurak  yonmog’i 
kerak»  (1958,  rejissor  G. Shermuhamedov),  «Olma  gullaganda»  (1961  rejissor 
A. Qobulov), pyesalari teatrda paydo bo’ladi. 
Amir  Temurning  660-yilligi  munosabati  bilan  O.  Yoqubov  «Avlodlarga  vasiyat» 
pyesasini  yaratdi.  Asar  1996-yili  Jizzax  teatrida  (rejissor  M. Azimov)  sahnaga  qo’yildi. 
2001-yili  Milliy  akademik  drama  teatrida  uning  «Bir  koshona  sirlari»  (rejissor  T. Azizov) 
pyesasi paydo bo’ldi. Shu asari uchun Odil Yoqubov 2001-yilning «eng yaxshi dramaturgi» 
degan Respublika «Ofarin» mukofotiga sazovor bo’ldi.