Microsoft Word Tursunboyev S. O'zbek teatri tarixi. Majmua

 
TURSUNOY JA’FAROVA «TOSHBOLTA OSHIQ» HAQIDA 
— Soyib aka bilan ko’p spektakllarga partnyor bo’lganmisiz?  
— Ha, lekin eng muvaffaqqiyatli chiqqani — «Toshbolta oshiq».  
— Soyib aka spektakl davomida, o’zidan qo’shib yuboraverar ekan...  
— Voy nimasini aytasiz. Pyesada yo’q gaplarni qo’shib yuboraverardilar. Men adashib 
ketishimga sal qolardi deng. Parda yopilganida ancha ta’na qilardim.  
— Spektaklning qaysi joylariga qo’shganlar?  
— Men  sizga  aytsam,  machit  sahnasi  bor-ku,  ana  shu  yerida  Toshbolta  xayol 
suradigan,  orzu  qiladigan  yerlari  bor.  «Sattor  bolasi,  sattori»  deb  qo’shaveradilar.  Sattor 
kimligini bilasizmi? Soyib akaning o’g’illari. 
Tomoshaning  boshida  «Rahmatli  xotinim  Qumri  o’ldi»  degan  so’zlar  bor.  Mabodo 
Soyib akaning umr yo’ldoshlari spektakl ko’rgani kelgan bo’lsa, hech ham «Xotinim o’ldi» 
demasdilar. Boshqa gaplarni aytib amallardilar. 
— Yillar  o’taverar  ekan-da,  Tursunxon  opa.  «Toshbolta  oshiq»  o’z  vaqtida  juda  ham 
mashhur edi, yanglishmasam...  
— Siz  so’ramang,  men  aytmay.  Gastrolda  20—30  kun  faqat  «Toshbolta  oshiq» 
o’ynalardi.  Hatto  kuniga  uch  marttadan  ham  sahnaga  chiqqan  paytlarimiz  bo’lgan. 
Charchamas ham edik. Tomoshabin doim tirband edi.  
— Sizning asl ismingizni unutib qo’yishgani ham rostmi?  
— Unutishganini bilmadim-ku, lekin qayerga borsam «Risolat pari keldi» deyishardi.  
— Negadir spektakl televideniye orqali namoyish etilmaydi...  
— Yozib  olishmagan.  Soyib  aka  qancha  yelib-yugurmadi.  «Yozib  olinglar.  Bizam 
pishib  qoldik.  Bizdan  ham  yodgorlik  qolsin»,  deb  kirmagan  eshiklari  qolmagan.  Baribir 
yozishmadi, lekin plastinkasi bor.  
— «Toshbolta oshiq» sahnada qo’yilyaptimi o’zi?  
— Ha, o’ynalyapti. Toshboltani Husan Sharipov ijro etyapti.  
— Soyib akadan farqi bormi?  
— Bor, ancha farq qiladi.  
— Hozir Risolat pari kim?  

---

— Mariyam Ixtiyorova bilan Naima Po’latova.