Microsoft Word Tursunboyev S. O'zbek teatri tarixi. Majmua

HAMID G’ULOM 
(1919-2005)
 
 
Atoqli  shoir  va  dramaturg  Hamid  G’ulom  Toshkentda  tug’ilgan,  o’rta  maktabni 
bitirgach, O’rta Osiyo industrial instituti va Nizomiy nomidagi pedagogika instituti (1938—
1941)da  tahsil  olgan  «Литературная  газета»ning  O’zbekistondagi  maxsus  muhbiri, 
O’zbekiston Yozuvchilar uyushmasining kotibi (1958—1971), «Sharq yulduzi» jurnalining 
bosh  muharriri  va  G’. G’ulom  nomidagi  Adabiyot  va  san’at  nashriyotining  direktori 
lavozimlarida ishlagan. 
Hamid  G’ulom nasr  va nazm sohasi qatori dramaturgiyada ham barakali ijod qilgan. Uning 
musiqali drama rivojiga qo’shgan hissasi alohidadir. 
1959-yili  Muqimiy  nomli  musiqali  teatrda  uning  Razzoq  Hamroyev  talqinida  «Farg’ona 
hikoyasi» asari qo’yiladi. 
Shundan  so’ng  «Toshbolta  oshiq»  (1961,  M. Leviyev  musiqasi,  rejissor  R. Hamroyev), 
«O’g’il  uylantirish»  (1964,  Yu. Rajabiy,  S. Yudakov,  B. Zeydman  musiqasi,  rejissor 
R. Hamroyev),  «Ajab  savdolar
»  (1969,  M. Leviyev  musiqasi,  rejissor  R. Hamroyev), 
«Muhabbat navosi» (Sh. Shohimardonova musiqasi, rejissor R. Boboxonov) kabi pyesalari 
shu teatrda paydo bo’lib, so’ng ko’plab viloyat teatrlari repertuariga kiritildi. 
Soyib  Xo’jayev,  Rauf  Boltayev,  Tursunxon  Ja’farova,  Razzoq  Hamroyev,  Hamza 
Umarov,  Baxtiyor  Ixtiyorov,  Sur’at  Po’latov,  Naima  Po’latova,  Mahkam  Isroilov,  Omina 
Fayozova  va  yana  viloyat  teatrlarida  ko’plab  aktyorlar  H. G’ulom  asarlarida  o’ziga  xos 
ajoyib-g’aroyib obrazlar yaratganlar. 
Hamid  G’ulomning  tarjimon  sifatida  ham  tearda  o’z  o’rni  bor.  Lope  de  Veganing 
«Qo’zibuloq  qishlog’i»,  V.  Shekspirning  «O’n  ikkinchi  kecha»,  A.  S.  Pushkinning  «Tosh 
mehmon» asarlari uning tarjimasida o’quvchi va tomoshabinlarning mulkiga aylandi. 
Hamid  G’ulomga  O’zbekistonda  xizmat  ko’rsatgan  san’at  arbobi,  O’zbekiton  xalq 
yozuvchisi unvonlari berilgan, Istiqlol davrida u «El-yurt xurmati» ordeni bilan taqdirlandi.