Microsoft Word Tursunboyev S. O'zbek teatri tarixi. Majmua

 
Halima Nosirova.
 «Men o’zbek qiziman», 
115—116-betlar. 
 
LUTFIXONIM SARIMSOQOVA 
ONA ROLINI QANDAY O’YNAGANI HAQIDA 
 
Teatrimiz  G’ulom  Zafariyning  «Halima»  pyesasini  sahnalashtirdi.  Bu  asarda 
Ne’matning  onasi  obrazini  yaratdim.  Mana  shu  ona  roli  menga  muvaffaqiyat  bag’ishladi. 
Ilk  namoyish  kutganimizdan  ham  ziyoda  bo’ldi.  Oxirgi  pardada  Ne’mat  o’lgach,  onasi 
uning jasadi  ustida  ko’z yosh  to’kib o’tirar ekan, parda asta-sekin  yopilardi. Odatdagidek, 
Ne’mat  «o’ldi».  Ko’nglim  buzilib,  a’zoyi  badanimni  titroq  bosdi,  marsiya  aytib,  faryod 

---

urdim.  Hamma  bu  marsiyaga  mahliyo  bo’lib,  pardani  yopish  hech  kimning  xayoliga 
kelmabdi.  Men  bu  marsiyani  artist  bo’lib  emas,  ona  bo’lib  aytdim  o’sha  paytda.  Yurak 
bag’rim farzand dog’i bilan ezilib ketgandi. Xuddi shu kuni, spektakl boshlanay deb turgan 
paytda,  teatr  hovlisida  edim.  Notanish  bir  mo’ysafid  kirib,  «Lutfiga  aytinglar,  bolasi 
shifoxonada  qazo  qildi»,  degan  xunuk  xabarni  aytib  qoldi.  Yuragim  tilka-pora  bo’lib 
ketgandi, o’shanda. Bu mudhish hodisani na rejissor Muzaffar Muhamedovga, na turmush 
o’rtog’im Muhammadjon Tojizodaga aytmay, sahnaga chiqib ketdim, chunki dublorim yo’q 
edi.  Sahnada  rolni  ijro  etdim  emas,  o’zimning  shaxsiy  dardlarimni  tomoshabinlar  bilan 
o’rtoqlashdim. 
 
«O’zbekiston adabiyot va san’ati» 
gazetasi, 1983-yil, 6-may soni. 
 
 
...«Halima»  asari  chop  etilmagan.  Uning  1929-yili  Andijon  teatrida 
sahnalashtirilgan  va  hozirda  Hamza  nomidagi  san’atshunoslik  institutida  saqlanuvchi 
nusxasidan ikki sahna chop etildi.