Microsoft Word Tursunboyev S. O'zbek teatri tarixi. Majmua

 
Al-Zokir qochmoqchi bo’ladi. 
 
M a’ m u n. Ushlang yaramasni!.. Oh, sen azroil, 
 
«Baytul-hikma» niqobidagi jallod!.. 
 
Ikki basharali odamxo’r ajdar!.. 
 
«O’zbekteatr» ijodiy ishlab chiqarish birlashmasi 
repertuari bo’limidan olingan qo’lyozma 
asosida chop etildi. 
 
 
 
 
 
 
 
 
 
 
 
 
 
 
 
 
 
 
 
 

---

 
 
 
 
 
 
 
MASHRAB BOBOYEV 
(1941—2003)
 
 
Taniqli  dramaturg,  shoir  va  nosir  Mashrab  Boboyev  Samarqand  viloyat  Chelak 
tumanida dehqon oilasida tavallud topgan. Maktabni tugatgach, bir muddat o’z qishlog’ida 
ishlagan. Toshkent madaniy-oqartuv texnikumida, so’ng hozirgi M. Uyg’ur nomidagi san’at 
instituti  aktyorlik  bo’limida  1960—1965-yillari  tahsil  ko’rgan.  «Yosh  gvardiya»  hozirgi 
(«Kamalak»),  G’afur G’ulom  nomidagi  Adabiyot  va  san’at  nashriyotlari,  Yozuvchilar 
uyushmasi,  Respublika  Madaniyat  ishlari  vazirligi,  Hamza  nomidagi  va  Yosh 
tomoshabinlar  teatrlarida  ishlagan.  Iste’dodli  dramaturg  va  shoir  Mashrab  Boboyev 
O’zbekiston  milliy  axborot  agentligida  xizmat  qilayotgan  pallada,  ijodi  ayni  gullagan 
bosqichda dunyodan o’tdi. 
M.  Boboyev  adabiyotga  1960-yillarda  hikoyanavis  sifatida  kirib  keldi.  Boboyevning 
nasriy  va  poetik  asarlariga  xos  vijdon,  insof  va  diyonat  mavzusi  uning  dramaturgiyasi 
mohiyatini  ham  belgilab  bergan.  Uning  pyesalari  1970—1980-yillari  o’zbek  teatri 
repertuarida  faol  o’rin  tutib  keldi.  «Gurung»  («Qadam  ranjida»)  M. Boboyevning  ilk 
dramalaridan  bo’lib,  dastlab  Samarqand  teatrida,  «Qani  mening  yulduzim»,  «Onaizor» 
(«Bizning hovli») Sirdaryo, Samarqand, Katta-qo’rg’on, Andijon va boshqa viloyat teatrlari 
repertuarida  uzoq  muddat  yashab  keldi.  1989-yili  Muqimiy  nomidagi  musiqali  teatrda 
«Mushkul  savdo»  («Tunis  prezidenti»)  pyesasi  paydo  bo’ladi.  Spektakl  «Navro’z—89» 
Respublika teatrlari ko’rigida yuqori baho oldi, unda bosh rollar ijrochilari — N. Hasanova 
va T. Beknazarov tanlov hay’ati mukofotiga sazovor bo’ldilar. 
M. Boboyev  Alisher  Navoiyning  «Sab’ayi  sayyor»  dostoni  asosida  yaratilgan  «Sevgi 
nidosi»  baleti  va  teletomoshabinlarga  keng  tanish  «Ko’ngil  ko’chalari»  ellik  seriyali 
videofilm ssenariylari muallifidir.