Microsoft Word Tursunboyev S. O'zbek teatri tarixi. Majmua

«ISTAMBUL FOJIASI» HAQIDA 
 
Shoir  va  dramaturg  Erkin  Vohidovning  «Istambul  fojiasi»  pyesasi  jiddiy  saviyada 
yozilgan  va  sahnalashtirilgan.  Hamza  nomidagi  akademiik  teatrimiz  ko’pdan  beri  bunday 
asar  qo’ymagan  edi.  Drama  his-tuyg’ularga  to’la,  jo’shqin,  hayajonli,  tomoshabinni 
hayotimiz silsilalariga befarq qaray olmaydigan darajada tutadigan asar! 
Bu  asar  bugungi  kunimizning,  qayta  qurayotgan  tuzumimizning  oshkoralik  bilan 
hamma  narsani  halol,  samimiy  kuylayotgan  kunimizning  jiddiy  mevasi.  Dramaturgiya 
san’ati  bu  —  ko’rib,  tasavvur  etib,  boshdan  kechirib,  hayajonda  o’tiradigan  teatr  san’ati. 
Uning  qudratini  idrok  etishimizda  teatr  san’atkorlari  yordamga  keladilar.  Muallifning 
hayajonini, dard-alamini, fikr-mulohazalarini bo’lishadilar... 
 
Turob To’la
, «Sovet O’zbekistoni» 
gazetasi 1988-yil, 12-may, 109-son. 
 
«Istanbul  fojiasi»  faqatgina  dramaturgiya  janrida  emas,  umuman  80-yillar  o’zbek 
adabiyotining  ham eng  yaxshi asarlaridan  biri sifatida e’tirof etildi.  Asarda  hayotimizning 
muhim  jihatlari  qalamga  olingan,  hayot  to’zonlari,  zamon  ziddiyatlari  ichida  gangib, 
adashib qolgan kishilar fojiasi ko’rsatilgan, qahramonlarning hayot yo’li, murakkab taqdiri 
davrning  yetakchi  tarixiy-ma’naviy  muammolari  bilan  chambarchas  aloqada  tasvirlanadi. 
Drama  sujeti  unchalik  murakkab  emas.  Bir  qorindan  talashib  tushgan  aka-uka  Jalol  va 
Iskandarlar  muhabbat  tufayli  raqibga  aylanadilar,  aka-ukasi  sevib  qolgan  qizni  yo’ldan 
uradi,  alamiga  chiday  olmagan  uka  esa  o’zini  qo’ygani  joy  topolmay,  ko’ngilli  bo’lib 
frontga jo’naydi. Qismatni qarang-ki, ana shu aka-uka va ular orasidagi ziddiyatga sababchi 
bo’lgan ayol — Saodat qirq yildan keyin xorijda uchrashib qolishadi.