Microsoft Word Tursunboyev S. O'zbek teatri tarixi. Majmua

BARKAMOL HAMKORLIK 
Dramaturgiyaga  nozik  did  egasi  Hamid  G’ulom  juda  ehtiyotkorlik  bilan,  kattakon 
yozuvchi  bo’lgandan  keyingina  kirib  keldi.  U  birinchi  ishni  dramaturgiyaning  qiyin  turi 
komediyadan  boshladi,  yana  satirik  komediyadan.  Hamid  G’ulomning  tili  boy,  shirali. 

---

Personajning  xarakteriga  mos,  individual,  faqat  shu  personajga  munosib  iboralar  topadi. 
Dramaturgning fazilati darhol rejissorlarni ham, aktyorni ham o’ziga jalb etadi. H. G’ulom 
pyesada unaqa katta konflikt bermagan, kichik, ammo hayotiy bir voqeani kengaytiradi. Bu 
dramaturgning  mahorati,  albatta.  Ammo  rejissor  va  ijrochi  aktyor  uchun  ancha  qiyin, 
chunki tomoshabinni tezda hayratga soladigan tuguncha yo’q. Avtor g’oyasini to’g’ri talqin 
va  chiroyli  yechimlar  bilan,  xarakterlarni  to’laqonli  ifodasi  bilan,  ularning 
to’qnashuvlardagi  kutilmagan  mizanssenalar  bilan  spektakl  nafosatini  oshirmoq  lozim 
bo’ladi... 
Bizning H. G’ulom bilan hamkorligimiz barakali, serhosil, samarador bo’ldi. Bu ajoyib 
ijodkor  o’zbek  dramaturgiyasida  o’ziga  xos  komedograf  bo’lib  qoldi.  Uning  «O’g’il 
uylantirish»,  «Toshbolta-oshiq»,  «Ajab  savdolar»  kabi  asarlarini  o’n  yillab  sahnamizdan 
tushmay, xalqimiz meriga sazovor bo’lib kelishi bejiz emas, albatta.  
 
Razzoq Hamroyev,
 O’zbekiston xalq artisti. 
«Hayotim mazmuni», 1979-yil, 158—159-betlar.