Microsoft Word Tursunboyev S. O'zbek teatri tarixi. Majmua

«JALOLIDDIN» SPEKTAKLI HAQIDA 
Spektakl  premyerasi  1944-yilning  24-dekabrida  o’tdi.  Zalga  odam  sig’masdi,  oldingi 
qatorda Usmon Yusupov boshliq hukumat rahbarlari, Oybek, G’afur G’ulom, Komil Yashin 
va  boshqa  madaniyat  namoyondalari  o’tirardilar.  Tarixiy  materiallarni  saralash,  sahna 
talqinini  topish,  dramatik  harakatni  izchil  rivojlantirish,  voqealarni  bir-biriga  puxta 
bog’langan holda ifodalashda rejissor Uyg’ur yaxshi samaralarga erishgandi. Qahramonona 
—  romantik,  mahobatli  spektakl  yaratilgan,  xalqning  vatanparvarlik  ruhi  keng  miqyosda 
tasvirlangan  edi.  Ijrochilar  zavq  bilan  vatan  himoyasida  xalq  kurashini  yuksak  dramatik 
ruhda ifodalagan edilar... 
Sh. Burhonov  ijrosida  Jaloliddin  tarixiy  jihatdan  g’oyat  haqqoniy,  badiiy  jihatdan 
behad  ta’sirli  gavdalantirilganligi  bilan  birinchi  spektakldayoq  shuhrat  qozondi.  U  o’z 
qiyofasi,  harakatlari  va  butun  siymosi  bilan  buyuk  inson,  sarkarda,  otashin  vatanparvar 
sifatida  ko’rinadi.  Aktyordagi  kuchli  ehtiros,  romantik  ko’tarinkilik,  psixologik  teranlik 
hayratga solardi... 
 
Mamajon Rahmonov
 «Madhiyaday yangragan edi», 
«Teatr» jurnali, 2000-yil, 1-son.