Microsoft Word Tursunboyev S. O'zbek teatri tarixi. Majmua

FAROG’AT RAHMATOVA XOTIRASIDAN 
...«Alpomish»ni Muzaffar ota birinchi sahnalashtirganda men M. G’ofurov bilan birga 
o’ynadim. Ultonni Asad Ismatov o’ynardi. 
Bir  voqea  esimda.  Ulton  sahnasida  rekvizitorlar  mening  kamarimga  xanjar  qistirib 
qo’yardi. Ulton  meni qilich bilan  uradigan sahnada,  men orqadan  xanjarni sug’urib, mana 
bunday  qilib,  uni  yaralardim  va  yarasini  ushlab  egilganida,  yonidagi  may  to’la  ko’zacha 
bilan  urib  o’ldirardim.  Bir  kuni  rekvizitorlar  xanjarni  kamarga  mahkam  qilib  bog’lab 
qo’yibdi.  Xash-pash  deb  xanjarni  olgunimcha  Asad  aka  qilichini  ko’tarib  kelib  qoldi  va 
qo’lini shunday tashlaganida o’tmas qilich bo’lsa ham burnim va peshonam o’rtasini archib, 
pastga  tushirib  qo’ydi.  Qon  oqyapti.  Sahna  davom  etyapti,  men  qo’lim  bilan  berkitib,  bir 
balo  qilib,  uni  «o’ldirdim».  Bir  payt  Alpomish  —  Mahmudjon  G’ofurov  kelib  (u  bilan 
ko’rishishim kerak) meni ko’rib qo’rqib ketdi-yu, orqasiga tislandi-da, «pardani yopinglar» 
deb qichqirdi. Men pardani yopishga qo’ymadim, chunki voqea sahna oldida bajarilayotgan 
edi-da.  Baribir,  o’ynab  chiqib  ketdim.  Barcha  tomoshabinlar  oyoqqa  turib,  Ultonni  so’kib 
qichqirishardi. 
 
Keldivoy Umrzoqov
. «Yuksalish o’z qo’limizda». 
«San’at» jurnali, 1990-yil, 2-son.