Microsoft Word Tursunboyev S. O'zbek teatri tarixi. Majmua

 
Nozim tisarilib, bog’dan chiqa boshlaydi. Zuhra Nozimni kuzatib, 
shiyponda xat yoza boshlaydi. 
 
«Jon ota, so’rovim shu: Tohirim himoya qiling, 
Ikkimiz muhabbatimiz xo’rlamang rioya qiling. 
Ajratishni qasd qilib, kirsa sizga shum Botir: 
Ajratishga hech imkon yo’qligin hikoya qiling. 
Qilsangiz undan judo — Zuhraning hayoti tamom 
Shafqat-u muruvvatdan boshimizga soya qiling». 
Ariya 
 
Tongda, e bulbul, judolik sirrini ovoza qil, 
Zulmdan so’z och, tikanlardan shikoyat toza qil, 
Bu yurak-bag’rimga qonli g’unchani andoza qil,  
Gulga arzingni, uning bargiga yoza-yoza qil, 
Ishq tangriga ko’nglim torini sheroza qil. 
Yor agar kelsa qorong’i qishlarim yoz etgali, 
Ko’rsatib yuz, bu hazin ko’nglim sarafroz etgali, 
Ko’rsatib qaddin, bukulgan qomatim g’oz etgali 
Dastalan gullar, bezan yo’lga poyondoz etgali, 
Bog’bon, tur uyqudan, gul shoxidan darvoza qil. 
Tongda, e bulbul, judolik sirrini ovoza qil.