Microsoft Word Tursunboyev S. O'zbek teatri tarixi. Majmua

 

---

UYG’UN 
(1905—1990)
 
 
Atoqli  shoir  va  daramaturg  Uyg’un  (Rahmatulla  Otaqo’ziyev)  Qozog’iston 
Respublikasi  Jambul  viloyatining  Marki  qishlog’ida  xizmatchi  oilasida  tavallud  topgan. 
Toshkent pedagogika bilim yurti, Samarqanddagi pedagogika akademiyasida tahsil ko’rgan. 
O’z  ijodini  1920-yillarning  o’rtasida  shoir  sifatida  boshlagan.  1952—1954-yillari  u 
O’zbekiston  Yozuvchilar  uyushmasi  raisi  sifatida  ishlaydi,  o’zbek  adabiyoti  va  san’ati 
oldidagi  xizmatlari  uchun  O’zbekistonda  xizmat  ko’rsatgan  san’at  arbobi  (1956), 
O’zbekiston xalq shoiri (1965) unvonlariga sazavor bo’lgan. 
Dramaturgiyaga  Uyg’un  I. Sulton  bilan birga  yozilgan  «Alisher Navoiy» (ilk  varianti 
1941-yili yaratilgan) dramasi bilan kirib keldi. Asar ustida davomli izlanishlar olib borilib, 
1945-yili  hozirgi  «Milliy  akademik  drama  teatr»da  sahnaga  qo’yiladi.  Mazkur  teatr 
Uyg’unning  dramaturglik  faoliyatida  muhim  o’rin  tutdi.  Uning  deyarli  barcha  dramatik 
asarlari dastlab shu teatrda qo’yilgan.  Bular  «Hayot qo’shig’i»  (1947),  «Hurriyat»  (1958), 
«Shubha» (1961), «Qotil» (1965), «Parvoz» (1971), «Abu Rayqon Beruniy» (1973), «Abu 
Ali  ibn  Sino»  (1980),  «Zebunniso»  (1983)  kabi  asarlardir.  Uning  dastlab  Muqimiy  nomli 
musiqali  teatrda  yaratilgan  «Oltin  ko’l»  (1949)  musiqali  dramasi  uzoq  yillar  davomida 
viloyat teatrlari repertuaridan mustahkam o’rin olib keldi. 
Uyg’un  tarjimachilik  sohasida  ham  samarali  faoliyat  ko’rsatgan.  A. P. Chexovning 
«Oq  charloq»  («Chayka»),  Shekspirning  «Yuliy  Sezar»  pyesalari  Uyg’un  tarjimasida 
kitobxon va tomoshabinlarga taqdim etilgan.