Microsoft Word Tursunboyev S. O'zbek teatri tarixi. Majmua

«QIYOMAT QARZ» ASARINING YARATILISHI HAQIDA 
RUSTAM HAMIDOV SHARHI 
«Qiyomat qarz» kichkinagina hikoya edi. Dastlab O’lmas aka uni pyesaga aylantirgan 
ekan. 
O’lmas aka bir kuni meni ko’rib qolib, pyesaning taqdirini so’rab qoldi. 
— Xabarim yo’q, — dedim, ancha bo’luvdimi topshirganingizga? 
— Bir yarim yilcha bo’luvdi, — dedi adib. 
— Men  o’qib  ko’ray,  —  dedim.  O’qisam  yaxshi  pyesa.  Keyin  ijodiy  kollektiv  bilan 
birgalikda  o’qidik.  Aktyorlarga  manzur  bo’ldi.  Hamma  bir  ovozdan:  «Pyesa  Shukur  aka 
uchun  yozilibdi»,  —  dedi...  Ilk  repetitsiyani,  ishonsangiz,  Shukur  akaning  uyida 
boshlaganmiz.  Shukur  aka  ish  boshladimi,  oxiriga  yetkazmay  qo’ymaydi.  Bu  yog’idan 
xotirjamman. 
— Sulaymon ota bu Shukur akaning o’zi... Shukur akaning odati juda ajoyib edi, kim 
nima  deb  iltimos  qilsa,  yelib-yugurib  yordam  beraverardilar.  Saylanmagan  xalq  deputati 
edilar... 
— Nuqul  teatrdan  chiqib  «Rustamjon,  yur,  bozordan  qovun  olamiz»,  derdilar.  Shu 
desangiz  bozor  oralab  ketamiz.  Men  qovun  tanlash  bilan  ovoraman,  u  kishining  parvosi 
yo’q.  Bozorni  obdon  aylanib  chiqib  ketamiz.  Men  eslataman:  «Shukur  aka  qovun 
olmaysizmi?»  Shukur  akaning  bo’lsa  ko’zi  qovun  sotayotgan  cholda  bo’ladi.  «Qovun 
buyoqda»  deyman,  «Qo’yaver»,  —  qo’l  siltaydi  u  kishi,  —  anavi  cholni  ko’rayapsanmi? 
Ha,  balli,  soqolini,  kiyim-boshini  qara.  Ana  o’sha  Sulaymon  ota...  Shukur  aka  Sulaymon 
otani izlab yurgan ekanlar... 
 

---

Temur Ubaydullayevning
 rejissor 
bilan o’tkazgan suhbatidan.