Microsoft Word togaymurod otamdan qolgan dalalar lotin ziyouz com doc

 
8
Tulki qiziga to‘y berdi. 
Kun qiyalab-qiyalab nur to‘kdi. Kun sariq-sariq nur to‘kdi. 
Kun betini ko‘rib bo‘lmadi. Kun nuriga qarab bo‘lmadi. 
Olam iliq-iliq bo‘ldi. Olam sariq-sariq bo‘ldi. 
Havoda oppoq-oppoq bir nimalar uchdi. Havola-havola uchdi. Aylana-aylana uchdi. Burala-burala 
uchdi. 
Osmon misoli un elaklamish-un elaklamish bo‘ldi. 
Oppoq bulutlar orasidan kun nurlari to‘kilib-to‘kilib turdi. 
Qor laylaklab-laylaklab yog‘di. Qor yerga tushib-tushmas yog‘di. 
Laylakqor taqqa tindi. 
Yerda qor tugul, nam-da bo‘lmadi. Qor havosi-da bo‘lmadi. 
O‘ynab qo‘yay, bundayin havoni oti nima bo‘ldi? 
Qor yog‘madi, deyin dedim— havoda laylaklab qor o‘ynadi. 
Laylaklab qor yog‘di, deyin dedim — yerda qordan nishoia bo‘lmadi. 
Dehqon bunday havoni: 
— Tulki qiziga to‘y berdi, — deydi. 
Kechasi yig‘ilishda raisimiz kunlik yaganani so‘radi. Yo‘l-yo‘riqlar berdi. 
Shunda, raisimiz oldida turmish telefon jiringladi. 
Raisimiz telefonda salom-alik bo‘ldi, 
Gap-so‘zidan bildim — raisimiz Ideologiya bilan gapirishdi. Ob-havoii gapirishdi. Chaynab-
chaynab gapirishdi. 
Raisimiz sharaqlatib telefon dasta tashladi. Derazaga qarab lab burdi. 
— Tavba, — dedi. — Ajab vakilamiz bor-da. Kolxozlaringizda qor yoqqan emish, g‘o‘za nima 
bo‘ldi, deydi. Qor yoqqan yo‘q, tulki qiziga to‘y berdi, desam, tulkiyam to‘y qiladimi, deydi... 
9 
Dalalarimga xonqizi degich hasharot aylandi. 
Biz surxonilar xonqizini gulligich deymiz. 
Gulligich sariq qo‘ng‘izday keladi. Tumshug‘i qora bo‘ladi. Tanasida qora-qora donachalari-da 
bo‘-ladi, oq-oq donachalarida bo‘ladi. Uchsa, qanotlari katta-katta yoyilib uchadi. 
Bolalar gulligich ushlab o‘ynadi, Bolalar gulligich haydab o‘ynadi, 
Bolalar: 
Xol-xol, 
Otang o‘ldi, 
Onang o‘ldi, 
Borib xabar olmaysanmi? —
deya, dirr-dirr qo‘yib chopdi. 
Gulligich bolalar kaftida yurdi. Gulligich bolalar qo‘l-yuzida yurdi, gulligich bolalar yengida yurdi. 
Gulligich o‘rmalab yurishdan qolmadi — bolalar dir-dirr qo‘yib ashula aytishdan qolmadi: 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
64
Xol-xol, 
Otang daryoga oqdi
Onang daryoga oqdi
Ketmon olib chop-chop,
Ketmon olib chop-chop!
Gulligich surbet bo‘ldi. Gulligich ketmadi. Gulligich ketmasa tag‘in bo‘lmadi — gulligich 
hasharotlar bosh bobosi bo‘ldi. Gulligich ming-minglab bolalar bo‘ldi. 
Men dalalarimni gulligichofat bilan doriladim — «B-58» degich zahar dori sepdim. 
Zahardan bir hafta dala yo‘lay olmadim. 
10 
O‘qariq oldim. 
Nima uchun o‘qariq deymiz? 
Bunday qaralsa —er ravon-ravon ko‘rinadi. Bunday qaralsa — yer tekis-tekis ko‘rinadi. 
Shunday-shunday ariq olsa bo‘ldi — suv bir zaylda oqa beradiganday bo‘ladi. 
Aslida unday bo‘lmaydi. 
Yerni o‘z tobi bo‘ladi. Yerni o‘z o‘ng-chapi bo‘ladi. Yerni o‘z tosh-tarozisi bo‘ldi. 
Ana shu tobni tuymagich dehqon o‘qariq olib yur-masin. U olmish o‘qariq ko‘cha-ko‘ygi jaydari 
ariq bo‘ladi. U olmish o‘qariqda suv ravon-ravon oqmaydi. 
Ana shu o‘ng-chapni ilg‘olmagich dehqon o‘qariq olib yurmasin. U olmish o‘qariqda suv ko‘llab-
ko‘llab qoladi. U olmish o‘qariqda suv urib-urib oqadi. 
Ana shu tosh-tarozini bilmagich dehqon o‘qariq olib yurmasin. Suv u olmish o‘qariq oxirigachayin 
oqib-oqib bormaydi. 
Dehqoni ko‘z tarozi bo‘ladi, dehqoni ko‘ngil qozi bo‘ladi! 
O‘qariqni ana shu dehqon olsin! 
Ana shu dehqon olmish o‘qariq o‘qday bo‘ladi. 
Suv ana shu o‘qariqdan o‘qday oqadi.