Microsoft Word togaymurod otamdan qolgan dalalar lotin ziyouz com doc

 
7
Men umrimda ilk bor... ilk bor paxtazor deya atalmish dala bilan yuzma-yuz bo‘laman. 
Men umrimda ilk bor... ilk bor g‘o‘za deya atalmish nihol bilan yuzma-yuz bo‘laman. 
Paxtazor boshida serrayib qolaman. Etagimni qanday boylashimni bilmayman, o‘ninchi sinfdan 
so‘rayman. 
O‘ninchi sinf jerkib tashlaydi. 
Men endi Adabiyotga yuz solaman. 
Adabiyot etagim ikki
uchini belimga aylantirib boylaydi. Tag‘in ikki uchini bo‘ynimga osib tugadi. 
Men umrimda ilk bor g‘o‘za anqayamai. 
«Ebo-ey, muncha paxta! — deya xayollanaman. — Shularni barini terib olamanmi? Oldin qaysi 
birini olaman? Yuqoridagini olamanmi yo quyidagini olamanmi? 
G‘o‘za uchida turmish paxtani qo‘shqo‘llab ushlayman. Kaftlarim jiqqa shudring bo‘ladi. 
Bir chanoq paxtani cho‘zib-cho‘zib tortaman. Kaftlarimda uqalab-uqalab olaman. Puflab-puflab 
shudringini quritaman. So‘g‘in —etagimga solaman. 
Etagimni lang ochib qarayman — bir chanoq paxta etagim bir burchida oppoq moyakday bo‘lib 
turadi. Arang ko‘rinadi! 
Etagimni ko‘tarib-ko‘tarib qarayman. Muncha chuqurni qaytib to‘ldiraman, deya o‘ylayman. 
Hafsalalarim pir bo‘ladi. G‘o‘zalarga erinib-erinib qarayman. O‘ng-chaplarimga erinib-erinib 
qarayman. 
O‘ynab qo‘yay, paxtalaridan, o‘ynab qo‘yay, shu paxta degichni kim o‘ylab chiqardi ekan-a, 
deyman. 
Bolalar oldinlab-oldinlab boradi. Boshlari paxta ichida ko‘rinib-ko‘rinmay boradi. 
Bellarim og‘rib-og‘rib qoladi. Qo‘llarim tolib-tolib qoladi. 
Qaddimni ko‘tarib-ko‘tarib kerishaman. Ketimga chalqayib-chalqayib kerishaman. 
Shunda, bir maza qilaman, bir maza qilaman!