Microsoft Word togaymurod otamdan qolgan dalalar lotin ziyouz com doc

5 
Qizillar qulog‘i qirqta bo‘ladi! 
6 
Kechasi bilan uchta Qizil kirib keladi. 
— Hali, qizillarni daf etish uchun qizil tovuq so‘yar bo‘ldingmi?.. — deydi. 
Qizillar otamizni oldiga solib ketadi. Men otamiz ketidan ergashaman. Onamiz qo‘limdan tortib 
qoladi. 
7
Otamiz uch kundan keyin qaytib keladi. 
Odaticha — etigi poylarini qo‘li bilan sug‘urmaydi. 
O‘ng oyog‘ini bir taraf silkiydi — o‘ng poyi o‘sha taraf borib tushadi. 
Chap oyog‘ini bir taraf silkiydi — chap poyi sandiq ostiga borib tushadi. 
Paytavalari chuvalab-chuvalab qoladi. 
Ko‘ksi bilan ko‘rpacha tashlaydi. Bolish quchoqlaydi. Betlarini bolish botiradi. 
— Bir joyi og‘riyaptimi? — deydi onamiz. 
— Dehqonqul! Men senga aytib edim-ku, qizillar el bo‘lmaydi, deb. Enag‘arlar meni Yurchiga olib 
bordi. Yurchining qo‘rg‘onida qarorgohi bor ekan. Oqchurin degich kattasi bir tergamoqlik qildi-e, bir 
tergamoqlik qildi-e! Qizillar sha’niga tag‘in bir yomon gap qilsang, Sibir surgun bo‘lasan, dedi. Bir-
ikkita qog‘ozga barmoq bostirib oldi. 
— Sibiri qaerda bo‘ldi? 
— Kim biladi, qaerda bo‘ldi. 
Men otamiz etiklarini terib-terib olaman. Bo‘sag‘ada juft-juftlab qo‘yaman. Paytavalarini yig‘ib-
yigib olaman. Etiklariga o‘rab-o‘rab solaman. 
— Dehqonqul! — deydi otamiz. — Endi qizillar meni qo‘ymaydi. 
— Endi qaytadi, Dehqonqul? 
— Endi ketaman. Yomondan qoch-da qutul, yo, ton-da qutul, deydi. 
Otamiz bir kechada yo‘qoladi-qoladi.