Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
109
moralno-ustoychivaya! 
— Rayonimizda... 
— Rayon nomidan gapirmang, o‘rtoq rais! Siz bor-yo‘g‘i raissiz, o‘zinpizni biling! Rayon nomidan 
biz rahbarlar gapiramiz! 
— O‘zbekiston bo‘yicha yetti yuz ellik uch xotin-qiz, rayon bo‘yicha .. 
— Yana rayon, yana rayon! Rayonimiz xotin-qizlari moralno-ustoychivaya! 
Ideologiya shahodat barmoqni peshonasi nuqidi. Ideologiya so‘zni qalin-qalin aytdi: 
— Xullas, Dehqonqulova... manavinday!
Ideologiya ayol odam. Erkak bo‘lsa — o‘zim bilar edim! 
Shunday bo‘lsa-da — aytgichimni aytdim. 
— Katta, — dedim. — Esh bormi-yo‘qmi, ishqilib, ko‘z ochib dunyo ko‘rgandan buyon dalada 
halol mehnat qildi. Etak-etak farzand ko‘rdi. Esi bordir-da. 
Ideologiya gapimni korlamadi. 
— Esi bo‘lsa... o‘ziga o‘zi o‘t qo‘yadimi? — dedi. — Shunday baxt-saodatli zamonda-ya? 
— Katta... 
— Shunday hur zamonda-ya? To‘qlikka sho‘xlik bu! 
— Katta... 
— To‘qlikka sho‘xlik bu! Xotin-qizlar erkaklar bilan teng huquqli bo‘lsa! Erkaklar bilan tengma-
teng mehnat qilsa! Bilmayman, xotin-qizlarga nima yetishmayapti! 
— Katta... 
— Kapitalistik jamiyatdagina odamlar o‘z joniga o‘zi qasd qiladi! Bu bizning jamiyatimiz uchun 
illat! Mafkuramiz uchun yot! 
— Katta, u bechora ajal bilan olishib yotibdi. Hali, odam bo‘ladimi-yo‘qmi, bilmayman. Shunday 
ekan,
 
nima qilasiz, bir bechorani yomon otliq qilib... Ideologiya gapimni korlamadi. 
— Esi bo‘lsa... o‘ziga o‘zi o‘t qo‘yadimi? — deya to‘ti bo‘ldi. 
— Esi bordirki, o‘ziga o‘zi o‘t qo‘yibdi! Esi yo‘q odam o‘z joniga o‘zi qasd qiladimi? Qilmaydi, 
katta, qilmaydi! Boisi— shunga aqli yetmaydi! 
— Iya, o‘rtoq Meliev, bu qanday falsafa bo‘ldi?: 
— Gapni u jigitdan so‘ramang, mendan so‘rang, katta! Gapni men gapirdim! Men falsafa 
aytmadim. Men jigiti gap aytdim, jigiti! Chin-da, esi kam odamni dunyo bilan nima ishi bor? Esi kam 
odamni o‘z joni bilan o‘zini nima ishi bor? Esi kam odam og‘zini ochib yura beradi-da, dunyo o‘zi 
shunday bo‘lar ekan, deb! 
— Xullas, Dehqonqulova... shizofrenichka! Gap tamom! 
— Kim-kim? — dedim. 
— Shizofrenichka! O‘rtoq Meliev, shizofrenichka dehqonchasiga qanday bo‘ladi? 
— Psix! 
— Yo‘q, dalachasi-dalachasi? 
— Telba!.. 
Tan-jonim qizidi. Qo‘llarim qalt-qalt etdi. Lablarim pir-pir uchdi. 
Jonim halqumimga keldi! 
Bisotimda bor yomon so‘zlarim bilan kattalarni tutib so‘kayin, dedim. 
— Ket, baring ket! — deya baqirdim. 
Kattalar qotib qoldi. Kattalar bir-biriga qaradi. 
— Iya! — dedi Ideologiya. — Erida ham bormi deyman, o‘rtoq Meliev? 
— Ha, menda-da bor! Ayolimiz bilan loyimiz bir yerdan olingan! Bo‘ldimi? Ko‘ngling joyiga 
tushdimi? Endi, ket! 
— Meni sensiramang, o‘rtoq brigadir, meni sensiramang! 
— Ketmaysanmi, ketmaysanmi? 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
110
Tevaragim alangladim — biron nima izladim. Qo‘limga makkajo‘xori poyasi ilashdi. Kattalar 
joyidan turib ketdi. Raisimiz qo‘limdagi makkapoyaga yopishdi.
—
 
Dehqonqul aka, ay, Dehqonqul aka! — dedi. — Tentak bo‘lmang! 
— Shularday katta bo‘lgandan ko‘ra, tentak bo‘lganim yaxshi! 
— Dehqonqul aka, esingizni yig‘ing! 
— Ushlamang qo‘limni, ushlamang deyman!..
Raisimiz qo‘llarimni ketimga qayirdi. Meni o‘tirgichga bosib turdi. 
Kattalar ketiga qaray-qaray ichkari kirib ketdi. 
Raisimiz shundan keyingina meni qo‘yberdi. Qo‘limdan makkapoyani tortib oldi. Xolisga otib 
yubordi. 
Raisimiz-da kattalar ketidan ichkariladi.