Microsoft Word togaymurod otamdan qolgan dalalar lotin ziyouz com doc

 
5
G‘o‘zalarim yigirma kunlik bo‘ldi. 
Men g‘o‘zalarimni yaganalar bo‘ldim. 
Jo‘ya cho‘nqayib o‘tirdim. Siljib-siljib g‘o‘za yaganaladim. 
Men sug‘urib-sug‘urib g‘o‘za yaganalamadim — sug‘urilmish g‘o‘za qabatida qolajak g‘o‘za 
tomirlari joyidan ko‘chib-ko‘chib qoladi. 
Men chimdib-chimdib g‘o‘za yaganaladim. Men qo‘shqo‘llab-qo‘shqullab g‘o‘za yaganaladim. 
Bir qadamda yigirma-yigirma beshtadan g‘o‘za bo‘ldi. 
Bir g‘o‘zam tanasi oqimtil bo‘ldi — g‘o‘zam tomiridan zil ketdi. Demak, g‘o‘zam endi odam 
bo‘lmaydi. 
Men ana shu g‘o‘zamni chimdib tashladim. 
Bir g‘o‘zamni bir bargi bor bo‘ldi, bir bargi yo‘q bo‘ldi. Yakkabarg bo‘ldi. Yakkabarg g‘o‘za — 
chala g‘o‘za! 
Men yakkabarg g‘o‘zamni chimdim tashladim. 
Bir g‘o‘zam barglari ilma-teshik bo‘ldi. Donacha-donacha bo‘ldi. Demak, g‘o‘zam elburutdan 
dardmand bo‘ldi. 
Men dardmand g‘o‘zamni chimdib tashladim — sog‘lom g‘o‘zalarimga dardi yuqmasin, dedim. 
Bir g‘o‘zam pushta yonboshida bo‘ldi. Bir g‘o‘zam jo‘ya ichida bo‘ldi. Ikkovi-da sog‘lom-sog‘lom 
g‘o‘za bo‘ldi. Ammo ziyodi g‘o‘zalar bo‘ldi. Boisi — o‘z joyida ko‘karmagan g‘o‘zalar bo‘ldi. 
Men ikkovini-da chimdib-chimdib tashladim. 
Nimjon-nimjon g‘o‘zalarni chimdib-chimdib tashladim. Mayib-mayib g‘o‘zalarni chimdib-chimdib 
tashladim. 
Kesaklar orasida qolmish g‘o‘zalarimni silab-siypab rostladim. Kesaklarni kaftlarimda umatib-
umatib sochdim. 
Barmoqlarimni yer botirib-er botirib g‘o‘zalarim ost-ustini muloyimladim. 
Bir qadamda to‘qqiz-o‘n tupdan sog‘lom-sog‘lom g‘o‘za qoldirdim. 
Bir haftadan keyin ikkinchi bor yaganaladim. 
Bu safar yelti-etti tupdan g‘o‘za qoldirdim.