Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
98
bo‘ldi! 
— Chto za baran?! — deya baqirdi. 
Men bir qo‘lim bilan qayishimni ushladim, bir qo‘lim bilan betimni ushladim. 
— Ay, o‘ldim-ay! — deya shahd burildim. Ketimdan bir mallasoch ayol quvib keldi. Xaltachasi 
bilan yelkam oralatib urdi. 
— Ux, t
ы
baran! — deya urdi. 
Bir tarafdan erkaklar chiqib keldi. Erkaklar orasida bir melisa-da bo‘ldi. 
— Ko‘z bormi, oka? — dedi melisa. 
— Bor-bor! — dedim. 
— Ko‘z bo‘lsa shunday qilasizmi? Ana — «M», «J», deb yozib qo‘yibdi-yu? Yo, xat-savod 
yo‘qmi? Ana endi ellik so‘m jarima to‘laysiz! 
Bildim — ish chatoq bo‘ldi. Bir befarosat qadamim tufayli ellik so‘m ketar bo‘ldi. 
Ellik so‘m-a, ellik so‘m! 
Bir mehnat kuni uch so‘m o‘ttiz yetti tiyin turadi. Ellik so‘m topishim uchun o‘n besh mehnat kuni 
bajarishim lozim bo‘ladi. 
Endi, bola-baqrani nasibasini omon olib borayin. Ellik so‘mga kim qancha qozon qaynaydi? 
— Xat-savod bor! — dedim. — Ana shu «M», «J»larni o‘qib ko‘rib kirdim! Mana shunday kelib 
o‘qidim: «M» — marjalarniki bo‘ldi. «J» — jigitlarniki bo‘ldi. Xudoga shukur, jigitman! Jigitlarnikiga 
kirib keta berdim! 
— Yopiray, yopiray! — deya yoqa ushladi melisa. 
— Yopirayi bo‘ptimi! — dedim. — Shaharda bor xat-savod, qishloqda-da bor! 
Men betimni qalini — jonimni huzuri, deya sur bo‘lib-sur bo‘lib tura berdim. 
Melisa yo, olachipor betimni ko‘rib rahmi keldi, yo, shu ko‘rsavod bilan aytishib o‘tiramanmi, 
dedi. 
— E, boring-e! — deya jerkib tashladi. — Qattan kelgan bo‘lsayiz, o‘shatga gumdon bo‘ling-e! 
— Gumdon bo‘lamiz! — deya ko‘krak ko‘tardim. — Biz shahringizga musofirmiz! Gumdon bo‘l, 
desangiz — bo‘la beramiz! 
Mallasoch ayol suvdan quruq chiqishimni bilib qoldi. Tag‘in xaltachasi bilan urib qoldi. 
Men lik etib melisani ketiga o‘tib oldim. Melisani yelkasi osha qaradim. 
— O‘-o‘, marja! — dedim. — Sovetni badrabxonasini ko‘p qizg‘ana berma! Sovetni badrabxonasi 
senga-da yetadi, menga-da yetadi! 
Ayollar oldida men haq-men haq, maqomda qadamladim. Zafarona-zafarona qadamladim. 
Ayollardan pana bo‘lishim bilan yulduz uchmishday-yulduz uchmishday chopib-chopib qo‘ya 
berdim! 
9 
— Otingni sot, molingni sot, mash’al bo‘l-da! — dedi raisimiz. 
— O‘ynab qo‘yay, o‘ynab qo‘yay! — dedim men. — Tag‘in kim kelayapti? 
Raisimiz shahodat barmog‘ini yuksak ko‘tardi. 
— Shoirlar! — deya xitoblandi. — Ana endi reportaj bo‘lasiz, ocherk bo‘lasiz! 
— O‘ynab qo‘yay, mehmondan, o‘ynab qo‘yay! 
— Kassirdan pul olib bozorlang. Bir qo‘y, uch-to‘rtta aroq... 
Shoirlar choshgohda keldi. 
Shoirlar o‘qariq yoqalab ohista-ohista odimladi. Shoirlar dalalar uzra nazar tashlab-nazar tashlab 
odimladi. Shoirlar dalalar uzra qo‘l shop qilib-qo‘l shop qilib odimladi. 
— Paxtazor — chaqqon qo‘llarga intizor! — deya xitoblnib odimladi. 
— Paxtazor — paxta frontining mexanizatsiyalashgan qo‘shinlariga intizor! — deya xitoblanib 

---

Tog‘ay Murod. Otamdan qolgan dalalar (roman)