Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
103
Mixail ShYeVYeRDIN, 
Komil YaShIN. 
 
11
Umrda shunday kun bo‘ladi: odam birdan aynib qoladi! 
Ko‘ngilga qil sig‘maydi. Ko‘ngil bir xijil bo‘ladi, bir lanj bo‘ladi. 
Ko‘ngilni nimadir bir nima barmoq botirib-barmoq botirib tirnaydi. 
Ko‘ngilni bir hadik bosib keladi. Ko‘ngil tub-tubi nimadir bir nima bo‘ladi, deydi. 
Hadik yuzlarga o‘tadi. Hadik qoboqlarga o‘tadi. 
Chap qoboq pir-pir uchadi. 
Kaft chap qoboq silab-siypaydi. 
Lablar qoboq silamish kaftni cho‘lp-cho‘lp o‘padi. 
— Ket, bor, ket!.. 
Odam o‘zicha ana shunday hadik quvmish bo‘ladi. 
12
Ko‘zimga dala-da ko‘rinmadi. Ko‘zimga paxta-da ko‘rinmadi. 
Mototsiklim bilan qishloq uchdim. 
Darvozamizdan yelib ichkariladim. 
Shunda, dimog‘imga qo‘lansa bir is keldi. 
Hovli yuzida satillar dumalab yotdi. Bidonlar yumalab yotdi. 
Mayda-mayda ko‘lmak suvlar yilt-yilt etdi. 
Qop-qora kuyalar sochila-sochila o‘ynadi. 
Qo‘lansa is haminqadar anqidi. 
Bir yerda latta kuyayapti, deya o‘yladim. 
— Ay!.. — dedim. 
Ichkaridan Oysuluv qizimiz chiqib keldi. 
— Sen emas, enang qani? — dedim. 
Qizimiz ho‘ngillab yig‘ladi. Yumalab yotmish bidon o‘tirib yig‘ladi. Yuzlarini kaftlari bilan 
yashirib yig‘ladi.. 
Hadahalab qizimiz oldiga bordim. Yuzini o‘zimga qaratdim. 
— Nima qildi, ayt? — dedim. — Enang qani? Qizimiz gapirmadi, qo‘li bilan tuman tarafni 
ko‘rsatdi. 
Achchiq bilan qizimizni yelkalaridan dast ko‘tarib oldim. 
— Senga aytayapman, tiling bormi?! Enang qani deyapman?! 
Qizimiz o‘pkasini bosolmayin aytdi: 
— Enam o‘ziga o‘t qo‘yib yubordi. 
— Nima-nima?! Qaerda-qaerda?! 
— Tuman olib ketdi. 
— Momong qani?! 
— Momom enam bilan ketdi. 
13
Men mototsiklimni yo‘l-yo‘lakay o‘t oldirib uchdim. Tezlikni oxirigacha bosdim. 
Men qanday yetib keldim — xudo bilmasa, men bilmadim. 

---

Tog‘ay Murod. Otamdan qolgan dalalar (roman)