Microsoft Word tarixi muhammadiy ziyouz com doc

O‘N OLTINCHI MO’JIZA 
Ya’lo ibn Murra degan sahobadan rivoyat qilinur: 
«Rasululloh sollallohu alayhi vasallam bilan Madina atrofida jihod safariga chiqdik. Yo‘lda 
ketayotganimizda bir kishi yetaklagan yuklik tuyaga uchradik. U tuya Rasulullohga qarab 
bo‘ynini tuban solib bir munglig‘ tovush bilan so‘zladi. 
Rasululloh to‘xtab: 
— Buning egasi kimdur, chaqiringlar, — deb buyurdilar. 
Egasi kelgach: 
— Menga sotgil, — dedilar. 
Alar aytdi: 
— Yo Rasulalloh, buni sizga hadya qilur edik, biroq bir oilaning shundan boshqa moli 
yo‘qdur, shu tuya bilan tirikchilik o‘tkazurlar. 
Anda Rasululloh aytdilar: 
— Andog‘ ersa tuya o‘zingizda qolsin. Bu ersa menga shikoyat qildi, ovqatni oz berib 
yumushni ko‘p qildirur ekansiz. Endi bu tuyaga yaxshilik qilinglar, ishni oz qildirib, 
ovqatni ko‘p to‘ydirib beringlar. 
Alar ham; 
— Shundog‘ qilg‘aymiz, — deb va’da berishdi».