Microsoft Word soliha ayollar ziyouz com doc

Hafsa binti Siyrin 

(quddisa sirruho) 

 

Ulamoyi kiromdan Muhammad ibn Siyrinning singlisidir. Zuhd va taqvoda akasiga 

o‘xshardi. Ajoyib va g‘aroyib hol, karomatlarga sohib edi. 

 

Aytadilarki, bir kecha uyida bir mash’ala yoqdi, turib namoz o‘qidi. Bir payt mash’ala 

so‘ndi (o‘chib qoldi), ammo uy ichi tonggacha yorug‘ bo‘lib turdi. 

 

 

Robiya Shomiyya 

(quddisa sirruho) 

 

Ahmad ibn Abul Havoriyning xonimidir.  

 

Eri Ahmaddan naql qilinishicha, Robiya Shomiyyaning ajoyib-g‘aroyib hollari bo‘lgan. 

Unga ba’zan ishq va muhabbat, ba’zan uns, ba’zan esa xavf va shahvat g‘olib bo‘lardi. 

Xavf va muhabbat g‘olib kelgan vaqtlarda ushbu she’rni o‘qirdi: 

 

“Sevgilimga teng boshqa bir sevgili yo‘qdir, 

Undan boshqasi uchun qalbimda bir yer yo‘qdir. 

Sevgilim ko‘zimdan va shaxsimdan g‘oyib bo‘lur, 

Lekin qalbimdan g‘oyib bo‘lgani hech yo‘qdir.” 

 

Uns holi g‘olib kelgan chog‘larda esa shunday so‘zlardi: 

 

“Seni suhbat do‘sti qildim ko‘nglumda, 

Xohlaganga bag‘ishladim borlig‘imni, 

Mening jismim do‘stlar uchun bir hamrohdir, 

Qalbimning sevgilisi ko‘nglimdagi hamrohdir”. 

 

Xavf vaqtida esa bunday deganini eshitdim: 

 

“Ozig‘im oz, meni unga yetkazmog‘iga ishonmayapman, 

---

Soliha ayollar. Bahriddin Umrzoq 

 

 

www.ziyouz.com kutubxonasi 

12

Ozig‘ uchun yig‘laymi yoki yo‘lning uzoqligi uchunmi? 

Meni otashda yoqasanmi ey, eng mahbub Zot? 

Qayda qoldi u holda Sendan qo‘rqishim, qayda umidim?” 

 

Ahmad ibn Abul Havoriy undan keyin: 

“Mendagi senga bo‘lgan muhabbat faqatgina zavjiyyat (eru xotinlik) muhabbati emas, 

balki Haq rizosi yo‘lidagi muhabbatdir”, degan ma’noda bayt o‘qidi. 

 

Robiya taom pishirgani choqda: “Ey mening begim, bu ovqat faqat Ahmad ibn Abul 

Havoriyning tasbihi bilan pishdi”, derdi. 

 

Aytadilarki, uning oldida bir lagan bor edi. “Oling shu laganni, unda “Amirul mo‘minin 

Horun ar-Rashid vafot etdi”, degan xabar yozig‘lik”, dedi. 

 

So‘rab-surishtirib aniqladilarki, haqiqatan, Horun ar-Rashid o‘sha kun vafot qilgan ekan.  

Quddisa sirruho.