Microsoft Word soliha ayollar ziyouz com doc

 

Fotima binti Abu Bakr al-Kattoniy 

(quddisa sirruho) 

 

Bir kez Samnun Muhib muhabbat haqida gapirayotgan edi. Fotima uning so‘zlarini 

---

Soliha ayollar. Bahriddin Umrzoq 

 

 

www.ziyouz.com kutubxonasi 

16

tinglab o‘tirganlar orasida edi. Toqat keltirolmay jon berdi. U bilan birga yana uch kishi 

jon taslim qildi. 

 

 

Fidda 

(rahmatullohi alayho) 

 

Shayx Abu Rabiy Molikiy (rahmatullohi alayh) shunday deb aytgan: “Bir qishloqda soliha 

bir ayolning holini eshitgan edim. Uni mashhur qilgan karomatini ko‘ray deya ziyoratiga 

borishga orzumand bo‘ldim. Bu soliha ayolning nomi Fidda (kumush) edi. U yashayotgan 

qishloqqa kelganimizda uning bir qo‘yi borligini, undan sut va asal sog‘ib olishini 

aytishdi. (Do‘kondan) ikkita kosa sotib oldik va uning oldiga bordik. Salom bergandan 

so‘ng: “Sening shu qo‘ying bilan aloqador narsani (ya’ni sut va asal berishini) o‘z 

ko‘zlarimiz bilan ko‘rishni xohlayapmiz”, dedik. Qo‘yini olib keldi. Kosalarga o‘zimiz 

sog‘ib ichdik. Haqiqatan asal va sut edi. “Buning sababini aytgin”, dedik. Aytdiki: 

“Bizning bir qo‘yimiz bor edi va faqirona hayot kechirgan kambag‘al bir oila edik. Bir 

bayram kunida solih zot bo‘lgan erim: “Bu qo‘yni qurbonlik qilamiz”, deb qoldi. Men: 

“Yo‘q, rozi emasman. Chunki biz kambag‘almiz, qurbonlik qilishimiz shart emas. Axir, bu 

qo‘yga ehtiyojimiz borligini Alloh bilib ko‘rib-turibdi”, dedim. O‘sha kuni tasodifan erimni 

ziyoratiga bir mehmon kelib qoldi. Shunda (noiloj) men erimga: “Mehmonni izzat-ikrom 

qilishga majburmiz. Mayli, boring, qo‘yni so‘ying. Lekin bolalarimiz ko‘rmaydigan bir 

yerda so‘ying, ko‘rib qolib yig‘lashmasin yana…” dedim. Erim qo‘yni qurbonlik uchun 

so‘ygani yetaklab, devor ortiga borganida, bir qo‘yning nogahon hovli devoridan otilib 

ichkariga kirganini ko‘rdim. Men “qo‘y qochdi, shekilli”, deb o‘yladim. Tashqariga 

chiqdim. Erimni qo‘yning terisini ajratayotganini ko‘rib, hangu mang bo‘lib qoldim. Unga 

ko‘rganimni aytib berdim. U “hoynahoy, mehmonni izzatu ikrom qilganimiz uchun ham 

Xudoim bizga o‘z qo‘yimizdan yaxshiroq qo‘y bilan mukofotladi”, dedi. 

 

Ayol so‘ngra bizga shunday dedi: “Ey o‘g‘lim! Shuni yaxshi bilgilki, bu qo‘y muridlarning 

qalbida o‘tlaydi: agar ularning qalblari xush va tirik bo‘lsa, buning suti ham xush va sof, 

mazali bo‘ladi. Agar ularning ko‘ngli buzuq, rasvo bo‘lsa, buning suti ham bemaza, 

yomon bo‘ladi. Bundan so‘ng sizlar ham qalbingizni xush tuting”. 

 

Imom Yofiy (rahmatullohi alayh) aytadiki: «U ayol aytgan muridlardan murod uning 

eridir. O‘z erining kimligini (naqadar qalbi pokligini) yashirish va muridlarni ham ko‘ngil 

pokligiga tashviq niyatida umumiy qilib gapirdi. Aslida mana bunday demoqchi bo‘lgan: 

“Bizning (men va erimning) ko‘nglimiz xush, pok bo‘lsa, yonimizdagi narsa ham xush, 

ozoda bo‘lur. Sizlar ham yoningizdagilarning xush bo‘lishi uchun qalblaringizni xush 

tuting”.