Microsoft Word shermuhammadbek qurboshi ziyouz com doc

mashxur olim Rustambek 
Shamsutdinov esa shunday yozadi: 
 
“... Afg‘onistonda Omonulloxon, so‘ngra Nodirxon podshohlik qilgan davrda 
Shermuhammadbekka Afg‘oniston hukumati Sho‘rolar bilan aloqani uzmaslik siyosatini olib borardi. 
Harholda, bu hukumat Shermuhammadbekka bir ming afg‘oni oylik berib turdi. Yer ham berdi. 
Shermuhammadbek keyin bu yerlarni hukumatga qaytargan. 
1951 yili Afg‘onistondagi ota yurtlik turkistonlik muhojirlar qon-qardosh Turkiyadan boshpana 
oldilar. Shermuhammadbek va ukasi Nurmuhammadbeklar bunda bosh-qosh bo‘ldilar. Ular 
Pokistonning Peshavor shahrida turib vatandoshlarni Turkiyaga kuzatdilar. Jami 1111 kishi Turkiyaga 
jo‘natildi. Shermuhammadbek vaqtincha Peshavorda, Nurmuhammadbek Karachida yashagan. Ular 
Sharqiy Turkistondan ham ko‘plab vatandoshlarni Turkiyaga jo‘natish bilan mashg‘ul bo‘ldilar...” 
 
Shermuhammadbekning Farg‘onadagi oilasi haqida yetarli ma’lumot dastlab topolmadik. Faqat 
ba’zi manbalardagi Shermuhammadbek Shohimardonlik Muzaffarxon Mingboshiga kuyov bo‘lganligi 
eslatiladi, ammo izlanishlarimiz behuda ketmadi.  
“Shermuhammadbek Afg‘onistonga o‘tib, Kobulda yashay boshlaydi. 1924 yili Andijondan 
Kobulga borib qolgan Zulfiniso ismli qizga uylandi. Ulardan Davronbek, Jahongir, Saodatxon, 
Xosiyatxonlar dunyoga keladi. To‘ng‘ich o‘g‘li Davronbek hozir Nyu-Yorkda, Saodatxon Turkiyaning 
Adana shahrida istiqomat qilishyapti. Jahongir bilan Xosiyatxonlar Shermuhammadbek 
Kobuldaligidayoq vafot etishgan. Davronbekning onasi Zulfiniso 1972 yili Adanada olamdan 

---

Mansurxo‘ja Xo‘jaev. Shermuhammadbek qo‘rboshi 
 
 
www.ziyouz.com
 
кутубхонаси
 
124
o‘tgan...” 
Nihoyat, 1955 yili Shermuhammadbek o‘z oilasi bilan Turkiyaga keladi va Adana shahrida 
umrining oxirigacha yashaydi. 1970 yil 10 martda Shermuhammadbek olamdan o‘tadi. Uning dafn 
marosimi juda katta hurmat, ehtirom, qayg‘u bilan o‘tkaziladi. Turkiya hukumatidan,  dunyoning 
boshqa joylarida yashayotgan vatandoshlardan, jamoat va ilm arboblaridan vakillar, ta’ziyalar keldi. 
Bu qahramon sharafiga atalgan marsiyalar radio to‘lqinlari orqali bir necha kun berib turildi. Uning 
tobuti butun Adana shahri bo‘ylab Turkiya va Turkiston Muxtoriyati bayroqlari va mungli musiqa 
sadolari ostida qabristonga eltib qo‘yildi...”