Microsoft Word Р. Расулов дарслик. Doc

Topshiriq.
Lug‘atda berilgan so‘zlarni o‘qing, tarjimasini bir-
biringizdan so‘rang. Agar yangi so‘zlarning sinonimini bilsangiz, ayting. 
Topshiriq.
Nuqtalar o‘rniga zarur so‘zlarni qo‘yib, gaplarni
o‘qing. Lug‘atdagi so‘zlardan foydalaning. 
1. Lochin ... toshga qattiq kelib urildi. 2. Bo‘yniga bilakday ilon ... . 3. 
... boshi ham ... . 4. Bolalar bu ... tagiga yetolmay turishar edi. 5. Burgut 
... o‘ch bo‘lishadi. 6. Bu ilonni ... olib osmonga ko‘tarilganda, ilon 
uning bo‘yniga ... . 7. Lochin ... . 8. Bekorga o’lib ketishni istamagan 
lochin uni ... urilib, uni ham, ... , ham halok etdi. 
Topshiriq.
Quyidagi so‘z birikmalarini o‘rniga ishlatib, gap tuzing. 
Lochin tobora darmonsizlanib; ular jon talvasasida; o‘tkir 
ko‘zlaridan qo‘rqib; lochinning boshi keng ko‘kragiga shalp etib tushdi;
o‘lja ustiga yopirilishdi; lochin shu choq; chap qanotini bir ko‘tarib
tashlagan edi; chor tarafga qochishdi; lochinga qarab turgan Rustam;
mashinadan katta paqir olib, lochinning o‘limi ham mardona.
Topshiriq
. Matn mazmunini aytib berishga tayyorlaning. 
MARD QUSH 
Lochin qoya toshga qattiq kelib urilganidan, qanotining o‘ng
tomoni ezilgan, bo‘yniga bilakday ilon chirmashib yotardi. Ilonning
boshi ham majaqlanibdi. Bolalar bu sirli hodisaning tagiga yetolmay 
turishar edi, Rustamjon tushuntirdi: 

---

30 
Burgut, lochinlar ilonga o‘ch bo‘lishadi. Bu lochin cho‘ldan ilonni 
olib osmonga ko‘tarilganda, ilon uning bo‘yniga chirmashib bo‘g‘a 
boshlagan. Lochin holsizlangan. Ammo u bekorga o‘lib ketishni
istamagan. Qoyaga zarb bilan urilib, o’zini ham, raqibini ham halok 
etmoqchi bo‘lgan. 
Lochin tobora darmonsizlanib, qanotlarini shalpaytirib yotarkan, 
qayerdandir qora quzg‘unlar paydo bo‘ldi. Ular jon talvasasidagi lochinga
yaqinlashmoqcni bo‘lishardi, biroq uning o‘tkir ko‘zlaridan qo‘rqib, 
orqaga tashlanishardi. Ko‘p vaqt o‘tmay, lochinning boshi keng
ko‘kragiga shalp etib tushdi. Quzg‘unlar dadillanib, o‘lja ustiga
yopirilishdi. Lochin shu chog‘ so‘ngi kuch bilan chap qanotini bir 
ko‘tarib tashlagan edi, o‘laksaxo‘rlar chor atrofga qochishdi. .. 
Lochinga achinib qarab turgan Rustamjon mashinaning kabinasidan
katta paqir olib, unga yerdan tuproq to‘ldirib ko‘tarib chiqdi. 
-- Lochin – mard qush. Uning o‘limi ham mardona bo‘ldi: 
dushmanni tilka-pora qilib, o‘ldi. U quzg‘unlarga yem bo‘lmasligi uchun 
uni ko‘mib qo‘yaylik, - deb Rustamjon bolalarni qoyaga boshladi.