Microsoft Word quran uz ziyouz com doc

va ajallari yaqinlashib qolgan bo‘lishi mumkinligi xususida o‘ylamaydilarmi?! 

Undan (Qur’ondan) so‘ng (ya’ni unga ishonmaganlaridan keyin) yana qanday 

gapga ishonadilar-a?!  

 

186. Kimni Alloh adashtirib qo‘ysa, uning uchun biron hidoyat qilguvchi 

bo‘lmas. (Alloh) undaylarni o‘z tug‘yonlarida adashib-uloqib yurgan hollarida 

tark qilur.  

 

187. (Ey Muhammad), sizdan Soat (ya’ni qiyomat) qachon voqe bo‘ladi, deb 

so‘raydilar. Ayting: «Uning bilimi faqatgina Parvardigorim dargohidadir. Vaqti-

soati kelganida ham faqat O’zi oshkor qilur. U (ya’ni qiyomat) samovot va yer 

uchun juda og‘ir (dahshatli) bir ishdir. U sizlarga faqat to‘satdan — 

kutilmaganda kelur». Go‘yo siz u haqda yaxshi biladigandek so‘raydilar. 

Ayting: «Uning bilimi faqatgina Alloh dargohidadir. Lekin juda ko‘p odamlar uni 

bilmaydilar».