Microsoft Word qabrdan maktub ziyouz com doc

Bahodir Karimov,  

filologiya fanlari doktori 

 

 

Bismillahir rohmanir rohim 

 

TAQDIM 

 

Ashobi kiromning ko‘zga ko‘ringanlaridan Baro roziyallohu anhu rivoyat qiladilar: «Biz 

Rasululloh sollallohu alayhi vasallam bilan bir janozada birga edik. Alayhissolatu 

vasallam qabrning chetiga o‘tirib yig‘ladilar. Hatto (ko‘z yoshlaridan) tuproq ho‘l bo‘ldi, 

keyin esa: «Ey birodarlarim! Mana shu (boshingizga keladigan o‘lim hodisasi) uchun 

yaxshi tayyorlaning», deb buyurdilar» («Kutubi sitta», 17/612). 

 

Rasuli akram sollallohu alayhi vasallamni yig‘latgan o‘lim u zotdan o‘rnak olgan 

sahobalarni ham yig‘latgan edi. Hazrat Usmon roziyallohu anhu bir qabrning tepasiga 

kelib soqollari ho‘l bo‘lguncha yig‘ladilar. U kishiga: «Jannat va do‘zaxni eslaganingizda 

yig‘lamaysiz, biroq qabr haqida gap ochilsa, yig‘laysiz!» deyishdi. Hazrat Usmon dedilar: 

«Chunki Rasululloh sollallohu alayhi vasallamning: «Qabr - oxirat manzillarining 

birinchisi. Kishi undan qutula olsa, keyingilari osonroq bo‘ladi. Undan qutula olmasa, 

keyingilari undan ham qiyinroq, og‘irroqdir», deganlarini eshitdim» («Kutubi sitta», 

15/141). 

 

Shuning uchun Rasululloh sollallohu alayhi vasallam: «Ey Rabbim! Qabr azobidan