Microsoft Word Pochta aloqalari doc

2.1.3 Xat-xabarlarni topshirish 
 
Fuqarolarning nomiga manzillangan oddiy pochta jo‘natmalari va 
pul o‘tkazmalari olinganligi to‘g‘risidagi birlamchi bildirishnomalar 
foydalanuvchi javonlarining qutichalari yoki foydalanuvchi qutilari 
orqali tilxatsiz topshiriladi. 
Buyurtmali, shu jumladan xalqaro, hukumatga oid (oddiy va 
buyurtmali) pochta jo‘natmalari olinganligi to‘g‘risidagi buyurtmali 
bildirishnomalari, tezkor (telegraf) pul o‘tkazmalari olinganligi 
to‘g‘risidagi tezkor (telegraf) bildirishnomalari (119-shakl), pochta 
aloqasining eltib beruvchi obyektlarida berilishi kerak bo‘lgan tezkor 
(telegrafli) pul o‘tkazmalarining birlamchi xabarnomalari, «Yo‘llanma 
bilan», «Chipta bilan», «Hujjatlar bilan» belgili qiymati e’lon qilingan 
xatlar, posilkalar va qiymati e’lon qilingan banderollarning birlamchi 
xabarnomalari, shuningdek barcha ikkilamchi xabarnomalar 
oluvchilarga 8-shakldagi daftarga imzo qo‘yib topshiriladi. 

---

 
32
Ikkilamchi xabarnoma eltib berilganidan uch kun o‘tgandan keyin 
pochta aloqasining eltib berish obyekti oluvchining kelmaganlik 
sabablarini aniqlaydi. 
Agar buyurtmali pochta jo‘natmalari, olinganligi to‘g‘risidagi 
buyurtmali bildirishnomalari, tezkor (telegraf) pul o‘tkazmalari 
olinganligi to‘g‘risidagi tezkor (telegraf) bildirishnomalari (119-shakl) 
oluvchining yozma ravishdagi roziligi bilan mijozning pochta 
qutichalariga yoki foydalanuvchining qutilariga joylangan bo‘lsa, 
pochtalyon 8-shakldagi daftarga «F/q ga solindi» belgisini qo‘yadi, 
sanasini ko‘rsatadi va uni imzolaydi. 
Oluvchini qidirishning barcha choralari qo‘llanilgandan keyin 
topshirilmagan pochta jo‘natmalari, pul o‘tkazmalari ularda ko‘rsatilgan 
jo‘natuvchining manzili bo‘yicha qaytariladi. Agar qaytarib jo‘natish 
manzili ko‘rsatilmagan bo‘lsa pochta jo‘natmalari 20-shakldagi 
ma‘lumotnoma bilan birga tarqatilmaganlar qatoriga o‘tkaziladi.