Microsoft Word pc 3 ziyonet doc

Компьютер имкониятини кенгайтирувчи қўшимча қурилмалар.
ТВ тьюнерлар.
Видео ахборотларнинг яна бир манбаси телевизион каналлардир. Компьютерга ТВ тьюнер деб аталувчи қурилмани улаш билан компьютерда маҳаллий телевизион каналларнинг кўрсатувларини қабул қилиш ва уларни компьютер хотирасига ёзиб олиш мумкин. Одатда бундай тьюнерлар видео кириш разъемига ҳам эга бўлади ва унга видеомагнитафонни улаб, эски форматдаги аналогли видеосигналларни компьютерга ёзиб олиш мумкин.

ТВ тьюнерлар, кўпинча, FM тьюнерларга ҳам эга бўладилар ва улар FM радиостанцияларининг эшиттирувларини қабул қилиш имконини беради. TV тьюнерларнинг компьютернинг асосий платасига уланадиганлари билан бирга, ҳозирги пайтда USB портга уланадиганлари урф бўлмоқда. Уларнинг ўлчамлари оддий флэш хотираларнинг ўлчамлари каби бўлиб, уларга фақат антенна уланади.
Одатда TV кўрсатувларида кадрнинг ўлчами кўпи билан 625Х625 бўлиши мумкин. Лекин аслида бу ўлчам 500Х400 дан ошмайди.
Ҳозирги пайтда сунъий йўлдош орқали телевизион кўрсатувларни қабул қилиш кенг тарқалмоқда. Бу телевизион каналларда тасвир анча юқори бўлиб, камида DVD форматида (768Х576) бўлади. Бу каналлар орасида HD ва Full HD форматидаги каналлар ҳам кўплаб учрайди. Сунъий йўлдош телевидениесининг кўрсатувларини қабул қилиш учун сунъий йўлдош платаларидан ташқари сунъий йўлдош ликобчалари ҳам керак бўлади. Улар 110 ёки 180 см диаметрга эга бўладилар.
Улар сунъий йўлдошлардан бирига қаратилган бўлиб, ҳар бир йўлдош ўнлаб, юзлаб ва хатто минглаб телеканалларга эга бўлиши мумкин. Масалан, евростар сунъий йўлдоши икки мингдан ортиқ телеканаллар, тўрт мингдан ортиқ FM каналларини қабул қилиш имконини беради. Улар орасида пулликлари ҳам кўп бўлиб, лекин аксариятлари бепулдир. Бу йўлдош элликдан ортиқ тилларда телекўрсатувлар ва радиоэшиттирувлар узатади. Бу каналлар орасида нафақат европа мамлакатларининг, балки араб, хитой, ҳинд ва бошқа тилдагилари ҳам кўплаб учрайди.



Компютерни йиғиш.


Компютер бир нечта қурилма ва платалардан ташкил топади. Қурилмаларнинг ҳар бирини нимага ишлатилишидан хабардор бўлсангиз, ўзингиз бемалол компютер йиғиб олишингиз мумкин. Компютерни йиғиш, операцион тизимни ва ишлаш учун керакли дастурларни юклаш 1 соатдан 3 соатгача вақт олиши мумкин.