Microsoft Word O'quv qo'llanma

Tibbiy fizik - bu juda yuqori iqtidorga ega bo‘lgan fizika, matematika, 
biologiya va tibbiyot sohalari bo‘yicha fundamental bilimlarga ega bo‘lgan, 
zamon talablari bo‘yicha yangi g‘oyalarni taklif qila oladigan mutaxassisdir. 
Bunday har taraflama keng qamrovli bilimlarga ega bo‘lgan tibbiy-fiziklar 
o‘zlarining bilimlari bilan ijtimoiy hayotning turli sohalarida jumladan: 
- Davolash-profilaktika muassasalarida; 
- Tibbiy yo‘nalishdagi ilmiy-tadqiqot institutlarida; 
- fizika yo‘nalishidagi ilmiy-tadqiqot institutlarida va universitetlarda; 

---

145
- Ishlab chiqaruvchi yirik firmalarda faoliyat ko‘rsatib yuqori texnologiyali 
diagnostik davolash usullarini kashf etish va qo‘llash, mavjudlarini fizik asosda 
takomillashtirish sohalarida faoliyat yuritadi. 
Yuqori texnologiyalarga asoslangan tibbiy diagnostika-davolash asbob-
uskunalarini ishlab chiqarish jarayonida bevosita qatnashish, dunyoga mashhur 
firmalar (AQSH, Yevropa va sharq mamlakatlarida) bilan hamkorlikda ishlash 
kabi o‘ta yuqori malaka talab qilinadigan ishlab chiqarish jarayonlarida faollik 
ko‘rsatib mehnat qilish imkoniyatiga ega bo‘ladilar. Biroq bunday keng qamrovli 
bilimlar bilan qurollangan mutaxassis tibbiy fiziklarni tayyorlash ham oson ish 
emas. MDH dan Ukrainada tibbiy fiziklarni tayyorlash B.N. Karazin nomidagi 
Xarkov milliy universitetining fizika-texnika fakultetida mavjud maxsus ishlab 
chiqilgan davlat standartlari doirasida bugungi kunda amalga oshirilib kelinmoqda 
(61 rasm.)
61 - rasm. Xarkov fizika-texnika milliy universitetida tayyorlanayotgan fizik-
tibbiyot mutaxasisligi bo‘yicha ta’lim standarti ko‘rsatilgan. 
Mazkur universitet (sayt http//www-htuni.univer.kharkov.ua/ivt/kaf/kmf.htm)
tibbiy fizika sohasidagi yuqori malakali mutaxassislar tayyorlash bo‘yicha dunyoga 
mashhur Garvard, London, Sidney va Toronto, Michigan va Moskva, Katovitse va 
Sheffeld, Edinburg va Xalle-Vittenberg kabi universitetlari qatoridan olganligini 
ham e’tiborga olmoq joiz.