Microsoft Word O'quv qo'llanma

 

---

i
v
‐
o
j
330
 
4.1-diagramma. Tajriba va nazorat guruhlarida shaxsga yo‘naltirilgan 
o‘qitish natijalari 
Diagrammadan ko‘rinib turibdiki, pedagogik texnologiya asosida o‘qitilgan 
guruh talabalari 66% to‘liq to‘g‘ri (TTJ) javobni belgilashgan, 19% to‘liq to‘g‘ri 
bo‘lmagan javob (TTBJ) ni tanlashgan, 15% da noto‘g‘ri (NJ) javob ko‘rsatilgan. 
Nazorat guruhida esa bu ko‘rsatkichlar mos ravishda 54%, 24% va 22% dan iborat 
bo‘lgan. Bundan tavsiya etilayotgan pedagogik texnologiyalar asosida o‘qigan 
talabalarda o‘quv faoliyati birmuncha faollashgan degan xulosaga kelish mumkin.
 
O‘quv yili oxirida har uchala universitet talabalari misolida fizikani ishlab 
chiqilgan pedagogik texnologiyalar asosida o‘zlashtirish bo‘yicha tajribada ishtirok 
etgan 25 nafar talabalar orasida so‘rovnoma o‘tkazildi. So‘rovnomadagi: «Fizikani 
qaysi usulda o‘qitish sizni ko‘proq qoniqtiradi?» degan savolga 82 % talaba 
«pedagogik texnologiyalar bilan o‘qitish» 10 % talaba «an’anaviy o‘qitish», 8 % 
talaba esa «ahamiyatga ega emas», deb javob berishgan. «Bilimlaringiz pedagogik 
texnologiyalar asosida o‘qitilganda odilona baholanadimi?» degan savolga 7 % 
talaba «ha», 10 % talaba «yo‘q», deb javob berishgan. Qolgan 10 % talaba esa 
«javob berishda qiynalaman», degan punktni tanlashgan. Xuddi shuningdek, 
«An’anaviy o‘qitish asosida bilimlaringiz odilona baholanadimi?» degan savolga 
66 % talaba «ha» javobini, 22 % talaba «yo‘q» javobini bergan va 12 % talaba 
javob berishda qiynalishgan. «Pedagogik texnologiyalarni qo‘llab o‘qitishning 
afzalligi asosan nimada ko‘rinadi?» degan savolga 54 % talaba «mustaqil bilim 
olishga o‘rgatadi», deb javob bergan. 30 % talaba «o‘qitishni jadallashtiradi», 

---

i
v
‐
o
j
331
degan fikrni bildirgan. 10 % talaba «javob berishda qiynalaman» degan, 6 %i esa 
«pedagogik texnologiya asosida o‘qitishning afzallik tomoni yo‘q», degan javobni 
belgilagan. Umuman olganda, so‘rovnoma natijalarini tahlil qilgan holda 
talabalarning ko‘pchiligi fizikani innovatsion pedagogik texnologiyalar asosida 
o‘qitishga iliq munosabat bildirgan, deyish mumkin.
 
Tajriba-sinovning ikkinchi bosqichida, o‘tkazilgan tajribalar natijalari 
fizikani shaxsga yo‘naltirilgan pedagogik texnologiyalar asosida o‘qitish talabalar 
faoliyatini oshiradi, ularda darslik va o‘quv materiali ustida mustaqil ishlash, 
mustaqil bilim olish, fikrlash ko‘nikmalarini shakllantiradi va rivojlantiradi, degan 
xulosaga olib keldi.
 
Olti o‘quv yili davomida mo‘ljallangan tajriba-sinov ishlari amalga oshirildi. 
Unda, darslar an’anaviy uslubiyat va biz ishlab chiqqan metodik qo‘llanmalar, 
plakatlar, laboratoriya ishlari asosida tashkil etildi, ularning samaradorligi 
aniqlandi. Shuningdek, o‘quv mavzularining texnologik xaritalari, texnologik 
modellarini ishlab chiqish va pedagogik texnologiya bo‘yicha yuzaga kelgan xato 
va kamchiliklar tuzatildi, pedagogik texnologiyani tashkil etish metodikasi uzluksiz 
takomillashtirib borildi. Har yili tajribadan so‘ng barcha guruhlarda bir xil 
topshiriqdan iborat test o‘tkazildi.
 
Test tarkibiga 25 ta topshiriq kiritildi va har bir test topshirig‘i uchun 5 tadan 
javob variantlari taklif qilindi. Talaba testning har bir to‘g‘ri bajarilgan topshirig‘i 
uchun 4 balldan to‘plash imkoniga ega bo‘ldi. Amaldagi mezonlar asosida testdan 
86 va undan yuqori ball to‘plagan talabaga «5» baho, 71–85% to‘g‘ri bajargan 
talabaga «4» baho, 56–70 % ko‘rsatkichga erishgan talabaga «3» baho va 55 % dan 
past ball olganlarga “2” baho qo‘yildi. 
 
Pedagogik texnologiya asosida o‘qitishda olib borilgan tajribalar so‘nggi 
bosqichining 2 yillik umumlashtirilgan statistik tahlili quyidagi jadval (4.2-jadvalga 
qarang) da keltirilgan.