Microsoft Word Ollaberganova S

2.3. Ma’nodosh so’zlarni o’rgatish bo’yicha noan’anaviy dars 
namunalari 
 
Mustaqil O’zbekistonimizda qator sohalar rivojlanib, tafaqqiy etib 
bormoqda. Shu jumladan, “Ta’lim to’g‘risida”gi Qonun “Kadrlar tayyorlash milliy 
dasturi” asosida o’tkazilayotgan islohotlar ta’lim-tarbiya va o’qitish usullarini 
bugungi talablar asosida takomillashtirishni taqozo etmoqda. 
Har qanday jamiyat o’z kelajagi bo’lgan farzandlarini jamiyat taraqqiyotiga, 
uning gullab yashnashiga o’z hissasini qo’shadigan munosib fuqarolar bo’lib 
kamol topishlarida ota-onalar bilan birgalikda ularga ta’lim-tarbiya berayotgan 
fidoyi o’qituvchilarning ham hissasi bor deb bilaman. 
Hozirgi davrda o’qituvchisi o’ta bilimli, izlanuvchan va o’quvchilarni o’z 
faniga qiziqtira oladigan darajada, yuqoridagi islohotlarga amal qilgan holda, bir-
biriga o’xshamagan rang-barang dars o’ta olishi o’quvchilarga bilim berayotganda 
interfaol usullaridan darsning qaysi bosqichida qanday turidan foydalana olishi 
kerakligini bilishi lozim. Hozirgi kunda o’z burchini chuqur his qilgan 
o’qituvchilar soni kundan-kunga ortib bormoqda. Mana shunday o’qituvchilar 
safidan respublikamizning turli shahar va tumanlaridan yetishib chiqayotgan 

---

umumta’lim maktablarining ona tili va adabiyot fani o’qituvchilari katta o’rin 
egallagan. Bu o’qituvchilar mana bir necha yillardan beri o’zlari istiqomat 
qilayotgan shahar va tumanlaridagi maktablarda yoshlarga o’zi sevgan fani ona tili 
va adabiyot fanidan dars berib kelishmoqda. 
Mazkur o’qituvchilar bugungi kunda “Ona tili va adabiyot darslarida 
interfaol usullarni qo’llash samaradorligi” muammosini o’rganib, sho’ba 
yig‘ilishlarida o’z ma’ruzalari bilan qatnashib kelishayapti. Ular darslarida 
muammolarga nisbatan maqsad va vazifalarni tanlay olishadi. Mavzuni o’tishda 
uning ilmiyligiga, tarbiyaviy mohiyatiga katta e’tibor beradilar. Natijada o’qituvchi 
yutuq va samaradorlikka erishadi. Dars jarayonida ular yangi pedagogik 
texnologiyaning barcha usullaridan samarali foydalanadi. Shuningdek, shahar, 
tuman gazeta va jurnallarida o’z maqolalari bilan qatnashib turishadi. Ularning 
turli mavzulardagi ilmiy, metodik mulohazalari, tavsiya va takliflari jamoatchilik 
tomonidan iliq kutib olinmoqda. Umuman olganda, ijodkor o’qituvchi tinimsiz 
izlanishda bo’lishi, o’quvchilar bilimi, savodxonligi, ko’nikma va malakalarining 
oshishida samarali mehnat qilishi zamon talabidir. 
Shu kabi ilg’or o’qituvchilar fikr-mulohazalariga tayangan holda ma’nodosh 
so’zlarni o’rgatish bo’yicha ayrim noan’anaviy dars namunalarini keltirib o’tamiz.