Microsoft Word Қўнғироқлар устаси docx

УЧИНЧИ ҚАДАМ 
Шундай қилиб, ҚҚҚШ билан мулоқотнинг учинчи босқичи – “Қизиқиш ва эътибор 
уйғотиш”. Бу мижоз тўғрисида асосий жумла дейилади. 
1. Саломлашиш ва ўзини таништириш. 
2. Миннатдорчилик. 
3. Мижоз тўғрисида калит жумла. 
Буни энг оддий ва самарали усулда бажарамиз – мижозга унинг компанияси ва ўзи 
ҳақида гапирамиз: ҳар қандай менежер ўзи олиб бораётган лойиҳалар билан фаолиятини 
боғлайди ва шунинг учун компания тўғрисидаги маълумотларни ўзи тўғрисидаги 
маълумотлар каби қабул қилади. Агар сиз ҚҚҚШнинг ўзи тўғрисида расмий маълумотларни 
тўплай олсангиз, бу жуда ажойиб! 
Мижоз тўғрисидаги асосий жумла шаблони 7 та оддий банддан ташкил топган. 
1. Маълумотни қаердан олдик. 
2. Компания номи. 
3. Қаерда жойлашган. 
4. Нима иш қилади ва қанчадан бери фаолият юритади. 
5. Компания ҳажми 
6. Компания янгиликлари. 
7. ҚҚҚШ ҳақидаги маълумотлар билан боғлиқлик (агар бор бўлса). 
Бу шаблон бўйича ҳар ким исталган потенциал мижоз учун шахсий асосий жумласини 
тузиши мумкин ва у қизиқиш уйғотади. У узун бўлмаслиги керак, бироқ мазмунли ва қабул 
қилиш учун оддий бўлиши керак. Масалан: 
- Мен сайтингиз билан танишдим, компаниянгиз номи “Альтер Лого”, Нижний 
Новгородда жойлашгансиз, 11,5 йилдан бери ишлаб чиқариш, савдо ва кичик ва 
катта аквариумлар ҳамда парклар учун микроэкотизимлар ва питомниклар билан 

---

шуғулланасиз, сизларнинг Россия бўйлаб Нижний новгороддаги бош 
офисларингиз билан 4 та филиаллариз бор. Айтмоқчи, яқинда чоп этилган 
мақолада компаниянгиз ҳақида маълумот бор экан, яъни кейинги ой Москвада 
филиал очяпсизлар экан ва бу билан айнан сиз шуғулланяпсиз экан. 
Асосийси, маълумот ҳақиқий бўлиши, расман олинган ва самимий қизиқиш билан 
айтилган бўлиши керак. 
Ўша шаблон бўйича яна вариант бор: 
- Шу кунларда мен ҳамкасбингиз Андрей Шульц билан учрашдим. У менга сизнинг 
рақамингизни берди ва сизга қўнғироқ қилишимни тавсия қилди. Андрейни 
танийсизми? Унинг айтишича, “Том-Про” компаниянгиз Москвада жойлашган, 
сизларнинг Москва вилоятида 10 та дўконингиз бор ва сизлар 7 йилдан бери том 
ёпиш материаллари, шунингдек, қурилиш ва том ёпиш хизмати серивиси билан 
муваффақиятли шуғулланасиз. Мен сайтларингизни кўриб чиқдим, у менга жуда 
ёқди... Шунингдек, сиз Англиянинг “Хай блек руф” том материаллари 
компаниясининг энг яхши дилери экансиз ва яқинда таклиф билан Англиядаги 
ишлаб чиқариш компаниясига бориб келибсиз. 
Ҳатто сиз СБЕРБАНК каби машҳур компанияга қўнғироқ қилсангиз ҳам, барибир 
тайёргарлик кўриш ва ҳаммасини бажариш муҳим. 
Олдиндан огоҳлантираман, бизнинг мулоқотимиз бу билан тугамайди ва биз кейинги 
қадамни ташлаймиз. Бироқ ҳозир ўқишимизда танаффус қилишни ва ҳаракатда давом 
этишдан аввал шуғулланишни сўрийман.