Microsoft Word Қўнғироқлар устаси docx

Кичик яхшиликлар. Ҳар куни ҳеч бўлмаса кичик бир яхшилик қилишга одатланинг. 
Ким учундир эмас, ўзингиз учун. Яхшилик ҳар қандай иш бўлиши мумкин. Тамаки қолдиғини 
ердан олиб ахлат қутисига ташланг, уйингизга кириш йўлагида почта қутиси тагида ерда 
бетартиб бўлиб ётадиган реклама қоғозларини йиғинг, ишхонангизда тозаловчиларга 
уларнинг меҳнатларини қадрлашингизни айтинг! Яхшиликлар худди ёмонлик каби ўз-ўзидан 
пайдо бўлмайди, балки биз томонимиздан “улашилади”. Метрода сиздан олдин кетаётган 
одам ойнали эшикни тутиб тургани қандай ёқимли бўлгани ёдингиздами? Сиз 
миннатдорчиликни ҳис қиласиз ва бу имкониятни қўлдан чиқармай яхшилик қилишда давом 
этасиз. Агар яхшилик занжирида кимдир миннатдорчиликни “узса”, бошқалар ҳам шундай 
йўл тутишни бошлашади. Ва бу яна бирор яхши одам тутқични кимгадир тутқазмагунча давом 
этаверади. 
Ҳар куни кичик яхшилик қилиб – жой бериб, эшик очиб, одамларга шунчаки 
миннатдорчилик билдириб биз ўз дадиллигизни кўрсатамиз ва унга жавобан биз учун керакли 
кайфият ва кўринишни кўрамиз. 
Ўзига бўлган ишонч. Ўзингизга ишониннг! Мен биринчи марта бу сўзни 
эшитганимда унинг маъносини тушунмагандим: мен ўзимга ишонмайманми? Ўзингизга 
бўлган ишонч – дадиллик калити. Бугунги кун ва келажакка муносабатимиз ўзимизга бўлган 
ишонч билан ортади. Келажак ҳақида ўйлаганимизда кўпинча хаёлимизга хавотир келади ва 
тахминлар улардан туғилади. Хавотир қўрқувни келтириб чиқаради, тахминлар эса ҳатто 
ижобий бўлса ҳам ҳаммаси амалга ошмайди, чунки биз уларни ўйлаб топганмиз. Биз хафа 
бўламиз ва доим шундай бўлади. 
Ўзига бўлган ишонч “эртага нима бўлмасин, мен уни уддалайман”, деган сўзлар билан 
ифодаланадиган дадиллик ва хотиржамликни англатади. Исбот сифатида сизга бир далилни 

---

келтираман: мен бугунги кунгача яшадим! Худди шундай сиз ҳам. Чунки биз ҳаммамиз 
қачондир уддалай олмаган бўлсак, биз ҳозир ҳаёт бўлмасдик!
Агар сиз бирор нима қилсангиз ва хаёлингизга “ишим ўхшамасачи”, “мен бу ишни ҳеч 
қачон қилмаганман” ёки “олдинда қанча қийинчиликлар бор” ёки оддий “ман борсаму-дўкон 
ёпиқ бўлсачи” каби иккиланишлар келса, “мен ўзимга ишонаман, нимаики бўлмасин, мен уни 
уддалайман, худди бошимга тушган ҳамма ишни ҳозиргача уддалаганим каби! Мен ўзимга 
ишонаман!” деган сеҳрли сўзларни уч мартадан 10 мартагача қайтаринг. 
Бу бир қарашдаги оддий мантра мўъжиза яратади. Сиз тезда ўзингизни хотиржамлик 
эгаллаганини ҳис қиласиз ва ўзингизга бўлган ишонч ортади!