Microsoft Word navoiy garoyibus sigar lotin ziyouz com doc

www.ziyouz.com

 kutubxonasi 

52

Dema sanchib nishi hijron yetkuray no‘shi visol,  

Chun bu no‘shung o‘lturur, ul nish ham sanchildi tut. 

 

Motam ashki durri chun tufrog‘inga sochilg‘usi,  

Gavhari anjum falakdin boshinga sochildi tut. 

 

Ey Navoiy, kisvati faqr ista, yo‘qsa charxning  

Atlasin kiyding gumon et oqibat eskildi tut. 

71

 

 

Kel-kel, ey qurbon ko‘ngul, ul qoshi yo mehrin unut,  

Chun vafodin tortilursen ham borib bir go‘sha tut. 

 

Chunki ul bizni unutmog‘ni sog‘indi, yaxshi ish  

Sen dag‘i kel bir nafas ani sog‘inmog‘ni unut. 

 

Ul quyosh har dam bo‘lur bir zarra birla garmmehr  

Mehr sham’in sen dag‘i bir o‘zga oy birla yorut. 

 

Hayf erur har sho‘xi ra’no yuziga chun pok ishq,  

Shavq o‘tin kel sen dag‘i bu ishvagarlardin sovut. 

 

Ey pariy, bir telba gar ovvora bo‘ldi, g‘am yema,  

Odamiyvashlar bila nozuk mizojingni ovut. 

 

Gar ko‘zum yoshig‘a ul gul multafit bo‘lmas, ne g‘am,  

Gul bulutdin tozadur, serob emas guldin bulut. 

 

Dahr bog‘ida giyohi mehr hargiz butmadi, 

Gar desangkim ko‘rmayin bemehrlik bu so‘zga but. 

 

Shahdi ayshing zahr etar gardun, sen ushbu jomdin,  

Xoh komingni achit, xohiy mazoqingni chuchut. 

 

Tark qil, sen ham Navoiydek havosin, ey ko‘ngul,  

Yoki har dam bir taraf maylin ko‘rub, xunoba yut, 

72

 

 

Ohkim, ul oshno begona bo‘ldi oqibat,  

Hajridin bexudlug‘um afsona bo‘ldi oqibat. 

 

Aqlu donish lofini urg‘an ko‘ngul yig‘lay yuruy,  

Ul pariyvash hajrida devona bo‘ldi oqibat. 

 

Qatra-qatra shodlig‘ ashkinki sochtim vaslida,  

Barcha hijron qushlarig‘a dona bo‘ldi oqibat. 

---

Alisher Navoiy. G‘aroyib us-sig‘ar